نئی دہلی : بھارت میں برڈ فلو نے پھر سر اٹھا لیا، نئی دہلی کے بعد مغربی ریاست مہاراشٹرا میں برڈ فلو کے تازہ کیس رپورٹ ہوئے ہیں جہاں تقریباً 33ہزار مرغیاں اب تک ہلاک کی جاچکی ہیں۔
بھارتی ریاست مہاراشٹر میں کورونا وائرس کے بعد اب برڈ فلو کا خطرہ منڈلا رہا ہے، یہ معلومات اس وقت سامنے آئیں جب بھوپال لیبارٹری سے یہ اطلاع موصول ہوئی کہ جس نے انتظامیہ کو تشویش میں مبتلا کردیا۔
برڈ فلو کے خطرے سے نمٹنے کے لئے ڈیڑھ سو افراد پر مشتمل طبی ٹیم کو تعینات کیا گیا ہے۔ مذکورہ ٹیم کی جانب سے وردبھہ کے علاقے میں وبا سے متاثرہ 33ہزار مرغیوں کو تلف کردیا گیا ہے، یاد رہے کہ ودربھہ کا علاقہ میں پہلے ہی کورونا وائرس اپنی تباہی پھیلا چکا ہے۔
مقامی افسر اودے سنگھ راجپوت کے مطابق برڈ فلو کی اطلاع ملنے کے بعد جو33 ہزار مرغیاں ہلاک کی گئیں۔ مرغیوں کو کیمیکل لگا کر دفن کیا جارہا ہے، ان مرغیوں کے بدلے انتظامیہ نے پولٹری فارم مالکان کو فی مرغی90 روپے معاوضہ بھی دیا ہے۔
اس کے علاوہ بھارتی ریاستوں کیرالہ، راجستھان، مدھیہ پردیش، ہماچل پردیش، ہریانہ، گجرات اور اتر پردیش میں بھی برڈ فلو پھیلنے کی تصدیق ہوچکی ہے ہزاروں مرغیاں اور پرندے ہلاک ہونے کی اطلاعات ہیں۔
