The news is by your side.

Advertisement

بھارت نے گاڑی سے راہ گیر کو ٹکر مار کر زخمی کرنے والے2 اہلکار واپس بلالیے

لاہور : اسلام آباد میں گاڑی سے راہ گیر کو ٹکر مار کر زخمی کرنے والے 2 بھارتی اہلکار سلواداس پال اوردویمو براہمہ وطن روانہ ہوگئے، دونوں اہلکاروں پر راہ گیر کو زخمی کرکے فرار کی کوشش اور جعلی کرنسی کی ایف آئی آردرج ہے۔

تفصیلات کے مطابق بھارت نے گاڑی سے راہ گیر کو ٹکر مار کر زخمی کرنے والے 2 بھارتی اہلکار وا پس بلالیے، دونوں بھارتی اہلکار آج علی الصبح بھارت کے لئے روانہ ہوئے، سلواداس پال اوردویمو براہمہ واہگہ کے راستے سے بھارت جائیں گے۔

ذرائع کا کہنا تھا کہ بھارتی اہلکاروں کوگروپ کیپٹن مانومدھا،سیکنڈ سیکرٹری سندرم روانہ کرنے گئے، واپس بلائے گئے دونوں بھارتی اہلکار ہائی کمیشن میں ڈرائیورز کے طور پر کام کر رہے تھے۔

دونوں بھارتی اہلکاروں پر راہ گیر کو زخمی کرکے فرارکی کوشش اور جعلی کرنسی کی ایف آئی آردرج ہے۔

مزید پڑھیں : گرفتار بھارتی ہائی کمیشن کے اہلکار جعلی کرنسی کے کاروبار میں ملوث نکلے

یاد رہے 15 جون کو تیزرفتارگاڑی میں سوار دو بھارتی اہلکاروں نے اسلام آباد میں ایک شخص کو ٹکر مار کر زخمی کیا اور فرار ہونے کی کوشش کی لیکن موقع پر موجود شہریوں نے انہیں پکڑکر پولیس کے حوالے کیا تاہم یہ اہلکاربھارتی ہائی کمیشن کےاسٹاف ممبرہیں اور انہیں سفارتی استثنیٰ حاصل ہے لہذا گرفتاری کے چند گھنٹے بعد وزارت خارجہ کی تحریری درخواست پر انہیں بھارتی کمیشن کے سینئرافسرکے حوالےکر دیا گیا تھا۔

بعد ازاں گرفتاربھارتی ہائی کمیشن کے اہلکار جعلی کرنسی کےکاروبار میں ملوث نکلے تھے، اہلکارسلوا دیس پال کے قبضے سے دس ہزار روپے کی جعلی کرنسی برآمد ہوئی تھی، بر آمد کی جانے والی کرنسی قبضے میں لے لی ہے اور جعلی کرنسی کو مال مقدمےکا حصہ بنایا گیا ہے۔

Comments

یہ بھی پڑھیں