The news is by your side.

Advertisement

بھارت کسی خام خیالی میں نہ رہے، آزادی کی تحریک نہیں رک سکتی: مشال ملک

اسلام آباد: حریت رہنما یاسین ملک کی اہلیہ مشال ملک کا کہنا ہے کہ بھارتی فوج نے نہتے کشمیریوں کو محصور کیا ہوا ہے، لاکھوں قربانیوں کے باوجود کشمیری ڈٹے ہوئے ہیں۔

تفصیلات کے مطابق مشال ملک کا اپنے ویڈیو بیان میں کہنا تھا کہ بھارت کسی خام خیالی میں نہ رہے، بھارت کشمیریوں کی جدوجہد آزادی کو نہیں دبا سکتا۔

انہوں نے کہا کہ کشمیری اپنے حق خودارادیت کے لیے جدوجہد کررہے ہیں، لاکھوں قربانیوں کے باوجود کشمیری آزادی کے لیے کھڑے ہوئے ہیں، مظلوموں کو نہیں دبایا جاسکتا۔

ان کا کہنا تھا کہ بھارت بھول میں ہے وہ ظلم بڑھا کر کشمیریوں کو ان کے مقصد سے پیچھے ہٹالےگا، بھارت کا 5اگست کا اقدام غیر قانونی تھا۔

مشال ملک نے ویڈیو بیان میں کہا کہ بھارت نے ایک آرڈر سے وہ کام کردیا جو جنگوں سے نہ ہوسکا، تین ماہ کا عرصہ ہوگیا مقبوضہ کشمیر میں کرفیو کا سماں ہے۔

یاسین ملک سے ایک مہینے سے کوئی رابطہ نہیں ہوا،مشال ملک

یاسین ملک کی اہلیہ نے بتایا کہ بھارتی فوج نے نہتے کشمیریوں کو محصور کیا ہوا ہے، لیکن ان کے باوجود کشمیری اپنےحق خودارادیت کے لیے جدوجہد کر رہے ہیں۔

خیال رہے کہ مقبوضہ وادی میں سخت کرفیو اور کریک ڈاؤن تاحال برقرارہے، عالمی برادری اور رہنماؤں کی جانب سے دباؤ کے باوجود مودی اپنے ناپاک عزائم سے باز نہ آیا۔

بھارت کو کشمیری نہیں کشمیر کی سرزمین چاہیے، مشال ملک

وادی میں نظام زندگی درہم برہم ہے، جبکہ گلی کوچوں میں بھارتی فوج نے ظلم وبربریت پھیلا رکھی ہے، مظلوم کشمیری خواتین کو اپنی عزت بچانا بہت مشکل ہوگیا ہے۔

درین اثنا بھارتی فوج کی جانب سے آئے دن نام نہاد آپریشن کا سلسلہ بھی جاری ہے، اب تک درجنوں نہتے شہریوں کو شہید کیا جاچکا ہے، جبکہ دنیا بھر میں لوگ کشمیریوں سے اظہارِ یکجہتی کررہے ہیں۔

Comments

comments

یہ بھی پڑھیں