India committed 178 ceasefire violations at LoC, working boundary
The news is by your side.

Advertisement

لائن آف کنٹرول، رواں سال بھارت نے 178 بار خلاف ورزی کی، آئی ایس پی آر

راولپنڈی: اقوام متحدہ کے ملٹری آبزور گروپ نے کوٹلی کے قریب کنٹرول لائن کا دورہ کیا اور بھارتی فوج کی بلااشتعال فائرنگ سے متاثر ہونے والے شہریوں سے ملاقاتیں کیں۔

فوج کے تعلقات عامہ سے جاری کردہ اعلامیے کے مطابق اقوام متحدہ کے فوجی مبصر گروپ نے لائن آف کنٹرول کا دورہ کیا اور بلااشتعال فائرنگ سے متاثر ہونے والے افراد اور اُن کے اہل خانہ سے ملاقاتیں کیں۔

آئی ایس پی آر کے اعلامیے میں کہا گیا ہے کہ اقوام متحدہ کے گروپ کو رواں سال بھارت کی جانب سے لائن آف کنٹرول کی خلاف ورزی کے حوالے سے تفصیلی رپورٹ پیش کی گئی ، مبصرین کو بتایا گیا کہ بھارتی فوجیوں نے رواں سال 178 بار لائن آف کنٹرول کی خلاف ورزی کی جس کے نتیجے میں 19 افراد شہید اور 80 زخمی ہوئے ہیں جبکہ ورکنگ باؤنڈری پر 8 افراد شہید اور 51 زخمی ہوئے۔

بعد ازاں اقوام متحدہ کے مبصرین نے کوٹلی اسپتال میں بھارتی فورسز کی فائرنگ سے زخمی ہونے والے افراد کی عیادت بھی کی۔

Comments

comments

یہ بھی پڑھیں