The news is by your side.

Advertisement

بھارت نے مقبوضہ کشمیر کو انسانی جیل میں بدل دیا ہے، برطانوی رکن پارلیمنٹ

لندن: برطانوی رکن پارلیمنٹ عمران چوہدری کا کہنا ہے کہ بھارت نے مقبوضہ کشمیر کی خصوصی حیثیت ختم کرکے غیرآئینی اقدام کیا۔

برطانوی رکن پارلیمنٹ عمران چوہدری کا اپنے ایک بیان میں کہنا تھا کہ بھارت نے مقبوضہ کشمیر کو انسانی جیل میں بدل دیا، بھارت نے یواین قراردادوں کی خلاف ورزی کی۔

انہوں نے کہا کہ بھارت کشمیر میں انسانی حقوق کی سنگین خلاف ورزیوں کررہا ہے، 5 اگست سے ابتک10ہزار کشمیریوں اور ان کی لیڈرشپ کو گرفتار کیا گیا۔

عمران چوہدری نے بتایا کہ دورہ ایل اوسی میں متاثرین سے ملاقات کی اور وہاں لوگوں سے خیریت دریافت کی، مقبوضہ کشمیر کے مظلوموں کے ساتھ ہیں۔

خیال رہے کہ وزیر اعظم عمران خان کی اپیل پر آج ملک بھر کے عوام کشمیریوں سے اظہار یک جہتی کے لیے گھروں سے نکلیں گے۔

نکلو کشمیر کی خاطر: آج وزیر اعظم کی اپیل پر قوم یک زبان ہوگی

آج دوپہر بارہ سے ساڑھے بارہ بجے تک کراچی سے خیبر اور بولان سے بلتستان تک پوری قوم یک جان اور ہم آواز ہوگی اور کشمیریوں سے اظہار یک جہتی کا پیغام دنیا بھر میں پہنچائے گی۔

وزیراعظم عمران خان کا کہنا ہے کہ ہم آج باہر نکل کر کشمیری بھائیوں کو پیغام دیں گے، پوری قوم بھارتی سفاکیت، غیر انسانی کرفیو، تشدد، کشمیریوں کی نسل کشی کے ایجنڈے اور جنت نظیر وادی پر غیر قانونی قبضے کے خلاف متحد اور ایک ہے۔

Comments

comments

یہ بھی پڑھیں