The news is by your side.

Advertisement

بھارت کا مقبوضہ کشمیرمیں مزید 28 ہزار اہلکار تعینات کرنے کا فیصلہ

سری نگر: بھارت کشمیریوں کی تحریک آزادی کو دبانے کے اپنے مذموم منصوبے کے تحت 28 ہزار سے زائد مزید فورسز اہلکار مقبوضہ کشمیر میں تعینات کر رہا ہے۔

کشمیر میڈیا سروس کے مطابق بھارت نے محض ایک ہفتہ قبل پیرا ملٹری کے مزید دس ہزار اہلکار مقبوضہ علاقے میں بھیجے تھے جبکہ اب مزید اٹھائیس ہزار اہلکار علاقے میں روانہ کیے جا رہے ہیں۔

بھارتی سرکاری ذرائع کا کہنا ہے کہ پیرا ملٹری کی 280 سے زائد مزید کمپنیاں سری نگر اور مقبوضہ وادی کے دیگر علاقوں میں تعینات کی جائیں گی۔ ان میں زیادہ تر بھارتی سنٹرل ریزرو پولیس فورس (سی آر پی ایف) کی کمپنیااں شامل ہیں۔

بھارتی قومی سلامتی کے مشیر اجیت دول نے گزشتہ ہفتے مقبوضہ وادی کا دورہ کیا تھا انہوں نے وہاں صورت حال کا جائزہ لینے کے علاوہ سینئر افسروں سے ملاقاتیں کی تھیں۔ ان کی نئی دہلی واپسی کے فوراً بعد مقبوضہ علاقے میں مزید بھارتی فورسز اہلکاروں کی تعیناتی کا فیصلہ سامنے آیا ہے۔

بھارتی فوج نے جولائی میں 11 کشمیریوں کوشہید کیا، کشمیرمیڈیا سروس

یاد رہے کہ گزشتہ روز کشمیر میڈیا سروس نے رپورٹ جاری کی تھی جس میں بتایا گیا تھا کہ مقبوضہ کشمیر میں بھارتی فوجیوں نے ریاستی دہشت گردی کی جاری کارروائیوں کے دوران گزشتہ ماہ جولائی میں 11 کشمیریوں کو شہید کیا۔

Comments

comments

یہ بھی پڑھیں