site
stats
عالمی خبریں

بھارت کا طالبان کے نئےامیر پر پابندیاں عائد کرنے کا مطالبہ

نیویارک : بھارت نےافغان طالبان کے امیر ملا ہیبت اللہ اخوندزادہ پر پابندیاں عائد کرنے کا مطالبہ کردیا.

تفصیلات کے مطابق اقوام متحدہ میں میں بھارتی مستقل مندوب سید اکبر الدین نے افغانستان میں یو این معاونتی مشن سے متعلق سلامتی کونسل میں ہونے والے ایک مباحثے کے دوران کہا کہ یہ بالکل احمقانہ پن ہے کہ ایک جلاوطن رہنما اب تک دہشت گرد قرار نہیں دیا گیا.

سید اکبر الدین کا کہنا تھا کہ افغانستان میں نئے طالبان رہنما کے خلاف پابندیاں عائد کی جانی چاہیئے.

بھارت کے مستقل مندوب کا کہنا تھا کہ افغان حکومت اورعوام کے خلاف تشدد کو فروغ دینے والے گروپوں اور افراد کو محفوط ٹھکانہ کبھی بھی فراہم نہیں کیا جانا چاہیے اور نہ ہی انھیں افغانستان کے کسی حصے میں اثرورسوخ قائم کرنے دینا چاہیے.

*طالبان کے نئے امیر کا نام عالمی دہشت گردوں کی فہرست میں شامل نہیں، مارک ٹونر

یاد رہے کہ گذشتہ ماہ امریکی محکمہ خارجہ کے نائب ترجمان مارک ٹونر نے کہا تھا کہ طالبان کےنئےامیر ملا ہیبت اللہ اخوند زادہ کانام عالمی دہشت گردوں کی فہرست میں شامل نہیں،امیدہے وہ مفاہمتی عمل کا فائدہ اٹھائیں گے.

واضح رہے کہ گذشتہ ماہ افغان طالبان کےسربراہ ملا ہیبت اللہ اخوندزادہ نے افغان طالبان کو ہدایت دی تھی کہ وہ اپنے حملوں میں مزید تیزی لائے،ان کا کہنا تھا کہ طالبان کےساتھ مذاکرات کے نام پر دھوکا کیاگیا.

افغان طالبان کے سربراہ کا کہنا تھا کہ اتحادی افواج کی افغانستان میں موجودگے تک کسی قسم کے کوئی مذاکرات نہیں کیے جائیں گے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top