The news is by your side.

Advertisement

بھارت کا پاکستان سے کلبھوشن تک قونصلررسائی کا مطالبہ

نئی دہلی: بھارتی وزیرخارجہ سشما سوراج نے پاکستان میں پکڑےجانے والے ’را‘ کے ایجنٹ پرعائد الزامات رد کرتے ہوئے پاکستان سے قونصلررسائی کا مطالبہ کردیا۔

بھارتی دفترِخارجہ نے پاکستان میں گرفتار ہونےوالے راکے افسر کلبھوشن یادو کی ویڈیو پرردعمل کا اظہارکرتے ہوئے اسے بے بنیاد قراردے دیا۔

بھارتی دفترخارجہ کی جانب سے جاری کردہ اعلامیے کے مطابق کلبھوشن بھارتی بحریہ کا سابق افسرہے اورایران میں اپنا قانونی کاروبارکررہا تھا۔

اعلامیے میں کہا گی ہے کہ پاکستان کی جانب سے جاری کردہ ویڈیو حقائق پرمبنی نہیں ہے بلکہ ایسا لگتا ہے کہ کلبھوشن کو ایسا کرنے کے لیے کہاگیا ہے۔

بھارتی دفترِ خارجہ نے مطالبہ کیا ہے کہ کلبھوشن تک بھارتی سفارتی حکام کو قونصلررسائی فراہم کی جائے تاکہ معاملے کی وضاحت ہوسکے۔

بھارتی دفترِخارجہ نے یہ بھی کہا ہے کہ کلبھوشن ایران میں کاروبارکررہا تھااوراس کی پاکستان سے برآمدگی تشویش ناک ہے ، ممکن ہے کہ اسے اغوا کرکے ایران سے پاکستان لایاگیا ہو۔

واضح رہے کہ بلوچستان سے گرفتارہونے والے بھارتی جاسوس نے پاکستانی حکام کے ساتھ رضاکارانہ تعاون کرتے ہوئے ’را‘ کی پاکستان میں سرگرمیوں کا اعتراف کیا تھا، جن میں بلوچستان اورکراچی میں دہشت گرد عناصر کی مدد کرنا شامل ہے۔

Print Friendly, PDF & Email

Comments

comments

یہ بھی پڑھیں