بھارت نے پاکستان کے سفارتی عملے کو عیدمنانے سے روک دیا -
The news is by your side.

Advertisement

بھارت نے پاکستان کے سفارتی عملے کو عیدمنانے سے روک دیا

نئی دہلی: بھارت نے پاکستانی سفارت خانے کے عملے کو عید منانے کی اجازت دینے سےانکارکردیا۔

تفصیلات کے مطابق پاکستان کے سفارتی عملے نے عید کے موقع پراہلِ خانہ کے ہمراہ نئی دہلی سے باہرجانے کی اجازت طلب کی تھی۔

پاکستان کے سفارتی عملے کا موقف تھا کہ وہ اپنے اہلِ خانہ کے ساتھ اجمیر شریف، آگرہ اورجے پور جانا چاہتے ہیں لیکن بھارت نے بغیرکسی معقول وجہ کہ یہ درخواست مسترد کردی۔

اس سے قبل بھارت نے پاکستان کے سفارتی عملے پرفیشن شو میں شرکت اور فلم انڈسٹری سے تعلق رکھنے والی شخصیات سے ملاقات پرپابندی عائد کی تھی۔

واضح ہے کہ آئین کے مطابق بھارت ایک سیکیولرملک ہے جہاں ہر شخص کو اپنی مذہبی روایات پر عمل پیرا ہونے کی مکمل آزادی حاصل ہے تاہم بھارتی حکومت کی جانب سے آئے دن ایسے اقدامات کئے جاتے ہیں جوکہ شخصی اور مذہبی آزادی کے منافی ہیں۔

بھارت نے اس عید الضحیٰ پر متعدد ریاستوں میں گائے ذبح کرنے پر پابندی عائد کررکھی ہے جس سے مسلمانوں کا مذہب پر آزادی سے عمل پیرا ہونے کا بنیادی اختیارصلب ہوتا ہے۔

Comments

comments

یہ بھی پڑھیں