The news is by your side.

Advertisement

پاکستان کے ساتھ مزید کشیدگی نہیں چاہتے: سشما سوراج

ووژن: چین میں موجود بھارتی وزیر خارجی سشما سوراج نے کہا ہے کہ پاکستان کے ساتھ مزید کشیدگی نہیں چاہتے ہیں۔

تفصیلات کے مطابق بھارتی وزیر خارجہ سشما سوراج چین روس چین بھارت وزرائےخارجہ اجلاس میں شرکت کررہی ہیں۔ اس موقع پر انہوں نے پاک بھارت کشیدگی کے حوالے سے اپنا ردعمل دیا۔

انہوں نے نے کہا کہ بھارت پاکستان کے ساتھ تعلقات میں مزید تناؤ نہیں چاہتا ہے، انہوں نے کہا کہ بھارت ایک ذمہ دار ملک کی طرح برتاؤ کرتا رہے گا۔

اس موقع پر انہوں نے پرسوں رات بھارتی طیاروں کی پاکستانی حدود میں دراندازی کا اعتراف کرتے ہوئے کہا کہ پاکستان میں کسی ملٹری تنصیب کو نشانہ نہیں بنایا ۔

یاد رہے کہ آج صبح پاکستانی ایئر فورس نے اپنی حدود میں آنے والے بھارتی فضائیہ کے دو طیارے مار گرائے تھے۔ ان میں سے ایک مقبوضہ کشمیر میں گرا جبکہ ایک پاکستان کی جانب آزاد کشمیر میں گرا۔ پاکستانی جانب گرنےو الے جہاز کے دونوں پائلٹ حراست میں لے لیے گئے ہیں۔

 آج بھارتی وزارت خارجہ کے ترجمان رویش کمار نے انتہائی مختصر پریس کانفرنس کرتے ہوئے پاکستان کی فاتحانہ کارروائیوں کا اعتراف کیا تھا اور بغیر سوال و جواب کے روانہ ہوگئے۔ رویش کمار نے اعتراف کیا تھا کہ پاکستان نے ایئر فورس نے ان کی تین ملٹری تنصیبات کو نشانہ بنایا ہے۔ انہوں نے تصدیق کی کہ ان کا ایک مگ 21 طیارہ تباہ ہوچکا ہے۔

بھارتی وزارتِ خارجہ نے اپنے طیارے کے نقصان کا اعتراف کرلیا

دوسری جانب ڈی جی آئی ایس پی آر جنرل آصف غفور نے اپنی پریس کانفرنس میں بھارت کے ایک پائلٹ کی ویڈیو پیش کی تھی جس میں وہ اپنا نام ابھینندن بتا رہا ہےاور ساتھ ہی ساتھ اپنا عہدہ اور سروس نمبر بھی بتارہا ہے۔

دوسرے پائلٹ کے بارے میں پاک فوج کے ترجمان نے بتایا کہ وہ زخمی ہے اور اس کا سی ایم ایچ میں علاج کیا جاچکا ہے۔ انہوں نے یہ بھی کہا کہ بھارتی پائلٹس کے ساتھ بالکل ویسا ہی سلوک کیا جارہا ہے جیسا کہ کوئی مہذب قوم کرسکتی ہے۔

آج صبح کے واقعے کے تناظر میں بھارتی میڈیا کی جانب سے دعویٰ کیا جارہا تھا کہ ان کی ایئر فورس نے پاکستانی ایف 16 کو نشانہ بنایا ہے۔ میجر جنرل آصف غفور نے اس بات کی نفی کی تھی اور بھارتی ترجمان نے بھی اپنی پریس بریفنگ میں اس نوعیت کا کوئی دعویٰ نہیں کیا۔

Comments

comments

یہ بھی پڑھیں