The news is by your side.

Advertisement

بھارت دنیا کا پانچواں خطرناک ترین ملک قرار

لندن: بین الاقوامی ادارے اسپیکٹیٹر انڈیکس نے بھارت کو دنیا کا پانچواں سب سے زیادہ خطرناک ملک قرار دے دیا۔

غیرملکی خبررساں ادارے کی رپورٹ کے مطابق اسپیکٹیٹر انڈیکس نے 2019 میں خطرناک ممالک کی فہرست جاری کردی جس کے مطابق برازیل، جنوبی افریقا، نایجیریا، ارجنٹینا اور بھارت دنیا کے خطرناک ترین ملک قرار دئیے گئے ہیں۔

خطرناک ممالک کی فہرست میں برطانیہ کا 12واں اور امریکا کا 16واں نمبر ہے۔

اسپیکٹیٹر انڈیکس کی فہرست میں پیرو چھٹے، کینیا ساتویں، یوکرائن آٹھویںِ، ترکی نویں، کولمبیا دسویں نمبر پر موجود ہیں۔

انڈیکس نے تمام معاشرتی پہلوؤں کو دیکھ کر 20 ممالک کی فہرست کو ترتیب دیا جس میں بھارتی حکومت کا مقبوضہ کشمیر غاصبانہ قبضہ، نیا شہریت قانون، ہندووتوا کی ترویج، اقلیتوں کے حقوق غصب کرنا، گائے کے نام پر قتل اور خواتین کو ہراساں کیا جانا شامل ہے۔

واضح رہے کہ اس سے قبل بھی ورلڈ انڈیکس نے بھارت کو غیرملکی سیاحوں کے لیے ایشیا کا خطرناک ترین ملک قرار دیا تھا۔

ورلڈ انڈیکس کے مطابق بھارتی خواتین سمیت کینیڈین اور آسٹریلوی خواتین بھی اپنے آپ کو بھارت میں محفوظ محسوس نہیں سمجھتیں۔

fb-share-icon0
Tweet 20

Comments

comments

یہ بھی پڑھیں