site
stats
پاکستان

کھوئی رٹہ سیکٹر پر بھارتی فوج کی فائرنگ، 1 شہری شہید

راولپنڈی: بھارتی فوج نے لائن آف کنٹرول کی ایک بار پھر خلاف ورزی کرتے ہوئے وقت کھوئی رٹہ سیکٹر پر بلا اشتعال فائرنگ کی جس کے نتیجے میں ایک شہری شہید ہوگیا۔

پاک فوج کے تعلقات عامہ آئی ایس پی آر کے مطابق بھارتی فوج نے ایک مرتبہ پھر لائن آف کنٹرول پر کھوئی رٹہ سیکٹر پر بلا اشتعال فائرنگ کی جس کے نتیجے میں محمد اشفاق نامی مزدور شہری زخمیوں کی تاب نہ لاتے ہوئے شہید ہوگیا، پاک فوج نے جارحیت کا بھرپور جواب دیتے ہوئے بھارت کی بندوقوں کو خاموش کروائیں۔

ڈی جی آئی ایس پی آر نے ٹوئٹر پیغام میں کہا ہے کہ ’’بھارت نے ایک بار پھر غیرذمہ دارانہ رویے کا مظاہرہ کرتے ہوئے لائن آف کنٹرول کی خلاف ورزی کرتے ہوئے کھوئی رٹہ پر فائرنگ کی جس کے نتیجے میں مزدور شہری شہید ہوا‘‘۔

واضح رہے کہ گزشتہ کئی ماہ سے بھارت اپنے داخلی اور سیاسی کشیدگی اور کشمیر میں جاری ظلم و بربریت سے توجہ ہٹھانے کے لیے لائن آف کنٹرول پر بلا اشتعال فائرنگ کا عمل جا ری رکھے ہوئے ہے۔

اس سے قبل بھی بھارتی فوج کی اشتعال انگیزی کے جواب میں پاک فوج کی کارروائی سے بوکھلاہٹ کا شکار بھارتی فوج نے خود ساختہ اور مضحکہ خیز سرجیکل اسٹرائیک کا دعوی کیا تھا جو وہ خود اپنی پارلیمنٹ اور عالمی میڈیا کے سامنے سچا ثابت نہیں کر سکے تھے جس پر انہیں کافی سُبکی کا سامنا بھی کرنا پڑا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top