site
stats
پاکستان

بھارتی فورسز کا وفد مذاکرات کے لیے آج پاکستان آئے گا

اسلام آباد : پاک بھارت سرحدی فورسز کے مذاکرات میں شرکت کے لیے 21 رکنی بھارتی وفد آج واہگہ کے راستے پاکستان پہنچے گا۔

تفصیلات کے مطابق پاک بھارت کشیدگی کو کم کرنے اور سرحدی تنازعات کو حل کرنے کے لیے پاک بھارت فورسز کا 21 رکنی وفد آج واہگہ بارڈر کے ذریعے دو روزہ دورے پر پاکستان پہنچے گا،  دونوں ممالک کی افواج کے درمیان مذاکرات کا پہلا دور کل لاہور کے رینجرز ہیڈ کوارٹر میں ہو گا تاہم مذاکرات کے لیے دونوں ممالک کی افواج کی اگلی نشست بھی اسی مقام پر منعقد کی جائے گی جبکہ بھارتی بارڈر سیکورٹی فورس کے ڈی جی کرشن کمار ایک روز قبل دبئی کے راستے پاکستان پہنچ چکے ہیں۔

مزید پڑھیں : پاک بھارت تعلقات پر بھارتی وزیرِخارجہ کا بیان حیران کن ہے، چوہدری نثار

دونوں ممالک کی بارڈر سیکورٹی کے درمیان ہونے والے مذاکرات میں کسٹمز، امیگریشن، ریلویز اور اینٹی نارکورٹکس کے نمائندگان بھی شریک ہوں گے، مذاکرات کا مشترکہ اعلامیہ 28 جولائی کو جاری کیا جائے گا، پاکستانی حکام کی جانب سے اجلاس کے دوران ورکنگ باؤنڈری اور کنٹرول لائن پر ہونے والی خلاف ورزیوں کے حوالے احتجاج کیا جائے گا جبکہ مذاکرات میں پٹھان کوٹ حملے کے حوالے سے کوئی بات چیت نہیں کی جائے گی۔

بی ایس ایف حکام کی جانب سے وقتاً فوقتاً بھارتی فورسز کی جانب سے ہونے والی سرحدی خلاف ورزی پر احتجاج  بھی ریکارڈ کروایا جائے گا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top