The news is by your side.

Advertisement

جہیز میں گاڑی کیوں نہیں دی؟ دلہا نے ہال میں دلہن کی پٹائی کردی

نئی دہلی : مہنگی گاڑی اور چند ہزار کی رقم جہیز میں نہ ملنے پر دلہا دلہن کی پٹائی کرکے نکل گیا۔

بھارت سے اکثر ایسی خبریں وائرل ہوتی ہیں جس میں دلہا جہیز نہ ملنے یا کم ملنے پر بارات واپس لے جاتا ہے، مگر اس واقعے میں تو دلہا نے جہیز نہ ملنے پر دلہن کی درگت بنا دی۔

رپورٹ میں کہا گیا ہے کہ بھارتی ریاست ہریانہ میں شادی کی رسومات چل رہی تھی اور دلہا دلہن پنڈال میں موجود تھے کہ اچانک دلہا کو کسی بات کا علم ہوا اور وہ بپھر گیا۔

دلہا کو بتایا گیا تھا کہ دلہن والوں نے اس کی بتائی ہوئی مہنگی کار اور 30 ہزار روپے کا انتظام نہیں کیا، جس پر دلہا کی لڑکی والوں سے بحث ہوگی جو دیکھتے ہی دیکھتے ہاتھا پائی میں تبدیل ہوگئی۔

رپورٹ کے مطابق دلہا نے سجی سنوری دلہن کی پٹائی لگائی اور بارات لیکر دلہن کے بغیر ہی واپس نکل گیا۔

لڑکی والوں کو دلہے کے خلاف مقدمہ درج کروایا دیا، جس میں جہیز کا مطالبہ پورا نہ کرنے پر بارات واپس لیجانے اور دلہن کی پٹائی کرنے کا الزام لگایا گیا ہے۔

Comments

یہ بھی پڑھیں