نئی دہلی: بھارت میں شادی کے 24 گھنٹے کے بعد دلہا اچانک لاپتا ہوگیا جس کے بعد دلہا اور دلہن کے گھر کہرام مچ گیا۔
بھارتی میڈیا رپورٹس کے مطابق ریاست اترپردیش کے ضلع امروہہ کے علاقے کوتوالی کے رہائشی مبین سلمانی کے بیٹے خورشید کی شادی 27 جنوری کو ایک گاؤں میں انجام پائی، شادی کے چوبیس گھنٹے بعد دلہا خورشید اچانک کہیں لاپتا ہوگیا۔
دلہے کے والد مبین کا کہنا ہے کہ ان کا بیٹا 29 جنوری کی رات اچانک لاپتا ہوگیا جس کا ابھی تک کچھ پتا نہیں چل سکا ہے۔
نئی نویلی دلہن انعم کا کہنا تھا کہ ان کے شوہر رات کو کسی بات پر پریشان تھے جس کے بعد وہ کمرے سے باہر نکلے اور پھر واپس نہیں آئے۔
پولیس نے واقعے کا مقدمہ درج کرکے نوجوان کی تلاش شروع کردی لیکن دو دن گزرنے کے باوجود پولیس نوجوان کا سراغ لگانے میں ناکام ہے۔
ایڈیشنل سپرنٹنڈنٹ پولیس اجے پرتاپ سنگھ کا کہنا ہے کہ لاپتا دلہے کا مقدمہ درج کرلیا گیا ہے اور پولیس ٹیمیں نوجوان کو تلاش کررہی ہیں، اس کے بازیاب ہونے کے بعد سارا معاملہ سامنے آجائے گا۔
