تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بھارت: دکان پر چھاپہ مارنے والی پولیس ٹیم کے ساتھ ہوئی انہونی

اترپردیش: بھارتی ریاست اترپردیش میں انکوائری کے لیے آنے والے تھانہ انچارج اور سب انسپکٹر سمیت دو کانسٹیبل کو دکان میں بند کر دیا گیا۔

تفصیلات کے مطابق بھارتی ریاست اترپردیش کے ضلع سونبھدر کے علاقے میں انکوائری کے لیے آنے والے تھانہ انچارج سمیت دیگر 3 اہلکاروں کو دکان دار دکان میں ہی بند کر کے فرار ہوگیا۔

سپرنٹنڈنٹ آف پولیس آشیش شریواستو کے مطابق رام گڑھ قصبے میں کریانہ کی دکان چلانے والا امیش اگرہری لاک ڈاؤن کے دوران بغیر اجازت دکان کھول کر سامان فروخت کر رہا تھا۔

ایس پی کا کہنا تھا کہ بغیر اجازت دکان کھولنے کی اطلاع ملنے پر تھانہ انچارج مہیندر پانڈے ایک سب انسپکٹر اور دو کانسٹیبل کے ہمراہ دکان پر پہنچے اور دکان دار کو اجازت نامہ دکھانے کے لیے کہا اور دکان کے اندر داخل ہوکر ویڈیو بنانے لگے۔

آشیش شریواستو کے مطابق دکان کی ویڈیو بنانے کے دوران امیش نے موقع دیکھتے ہی دکان کا شٹر گرا دیا اور تالا لگا کر فرار ہوگیا، واقعے کی اطلاع ملتے ہی پولیس کی نفری موقع پر پہنچی اور تھانہ انچارج اور اہلکاروں کو دوکان سے باہر نکلوایا۔

سپرنٹنڈنٹ آف پولیس کا کہنا تھا کہ دکان دار امیش اگرہری اور اس کے تین ساتھیوں کے خلاف واقعے کا مقدمہ درج کر لیا گیا ہے اور ان کی گرفتاری کے دو ٹیمیں تشکیل دی گئی ہیں۔

Comments

- Advertisement -