ممبئی : ہندو انتہا پسندوں نے پاکستان دشمنی میں تمام حدیں پار کردیں، مسلح افراد نے ممبئی کی مشہور کراچی سوئٹس پر دھاوا بول دیا،اور دکان کے سائن بورڈ پر لکھے نام کو اخباری کاغذ سے ڈھکوا دیا۔
تنگ نظر اور انتہا پسند بھارتی کراچی کے نام سے بھی نفرت کرنے لگے ہیں، انڈیا ڈاٹ کام کی رپورٹ کے مطابق ممبئی کے باندرہ ویسٹ میں واقع کراچی سوئٹس کے مالک کو نام تبدیل کرنے کا کہنے سے متعلق شیو سینا کے رہنما کی ویڈیو سوشل میڈیا پر وائرل ہوگئی۔
بھارتی میڈیا کے مطابق گزشتہ دنوں انتہا پسند تنظیم شیوسینا کے رہنما نتن نند گاؤکر اپنے مسلح ساتھیوں سمیت بمبئی میں واقع کراچی سوئٹس پہنچے اور اس کے مالک سے بیکری کا نام تبدیل کرنے کا مطالبہ کیا جس کی ویڈیو سوشل میڈیا پر کافی زیر بحث ہے۔
Mumbai: Video of Shiv Sena leader Nitin Nandgaokar goes viral, where he’s allegedly asking Karachi Sweets shop owner in Bandra West to change the name ‘Karachi’.
"You have to do it, we’re giving you time. Change ‘Karachi’ to something in Marathi,” says Nitin Nandgaokar in video. pic.twitter.com/PfmM4B65ac
— ANI (@ANI) November 19, 2020
اس ویڈیو میں شیوسینا کے رہنما کو بیکری کے مالک سے یہ بھی کہتے سنا جاسکتا ہے آپ کے آباؤ اجداد کا تعلق پاکستان سے ہے ہم آپ کا سواگت کرتے ہیں لیکن مجھے اس نام سے نفرت ہے، لہٰذا اسے تبدیل کرو۔
کراچی سوئیٹس کے مالک کو شیوسینا کے مقامی رہنما نے یہ دھمکی بھی دی کہ ہم تمہیں مہلت دے رہے ہیں کہ نام تبدیل کرلو ورنہ نتائج کے ذمہ دار تم خود ہوگے۔
بھارتی اخبار کی رپورٹ میں کہا گیا ہے کہ ملنے والی دھمکی کے بعد دکان کے مالک نے سائن بورڈ پر سے لفظ کراچی کو اخباری کاغذ سے چھپا دیا ہے۔ان کا کہنا ہے کہ وہ خوف کے باعث کسی بھی مشکل صورتحال کا سامنا کرنے کے لیے تیار نہیں ہیں۔
مزید پڑھیں : بھارت میں قائم کراچی بیکری پر حملہ کرنے والے 9 ملزمان گرفتار
