اسلام آباد : دفتر خارجہ کے ترجمان نفیس زکریا نے کہا ہے کہ بھارتی فوج نفرت اور تشدد میں اندھی ہوچکی ہے اور مقبوضہ کشمیر میں کم سن بچوں کو بھی جارحیت کا نشانہ بنا رہی ہے۔
یہ بات انہوں نے مقبوضہ کشمیر میں قابض بھارتی فوج کی گولی کا نشانہ بننے والی سات سال کی بچی کی شہادت پر ردعمل دیتے ہوئی کہی انہوں نے لائن آف کنٹرول پر بھارتی اشتعال انگیزی کے نتیجے میں کم سن لڑکی کی شہادت اور کم سن بھائی کے زخمی ہونے کی سخت الفاظ میں مذمت کی۔
We strongly condemn brutal killing of minor girl Kaneeza &injuries to minor Farooq in IoK by Indian occupation forces.
— M. Nafees Zakaria (@ForeignOfficePk) March 15, 2017
ترجمان دفتر خارجہ نفیس زکریا نے کہا کہ جاں بحق وزخمی بچوں کےلواحقین سےدلی افسوس کااظہارکرتے ہیں پاکستان مشکل گھڑی میں مقبوضہ کشمیرکےعوام سےاظہاریکجہتی کرتاہے۔
We sympathize with parents of the minors. Pakistanis express solidarity with people of IoK in these testing times.
— M. Nafees Zakaria (@ForeignOfficePk) March 15, 2017
انہوں نے کہا کہ مقبوضہ کشمیر میں بھارتی بربریت کو بند کرنا ہوگا کیوں کہ بھارتی فوج کشمیر یوں کی نسل کشی کر رہی ہے جو کہ قابل مذمت ہے۔
واضح رہے گزشتہ روز بھارتی فوج نے تین حریت پسند کشمیریوں کو اپنی بربریت کا نشانہ بنایا اور لائن آف کنٹرول پر بلا اشتعال فائرنگ کر کے سات سالہ کم سن لڑکی کنزا کو شہید اور اس کے کم سن بھائی زخمی ہو گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں