The news is by your side.

Advertisement

بھارت: 10 روپے مانگ کر بچے کی بھوک مٹانے کے بعد ماں کی خودکشی

نئی دہلی: بھارت میں لاک ڈاؤن کے باعث فاقہ کشی سے تنگ آکر خاتون نے خودکشی کرلی، موت سے قبل ماں نے 10 روپے قرض لے کر اپنے کمسن بچے کی بھوک مٹائی تھی۔

غیرملکی خبررساں ادارے کی رپورٹ کے مطابق یہ واقعہ بھارتی ریاست مہاراشٹر کے شہر مالیگاؤں میں پیش آیا، ماں لاک ڈاؤن کی وجہ سے گزشتہ کئی ہفتوں سے پیسے مانگ کر اپنا گزر بسر کررہی تھی تاہم اس نے تنگ آکر اپنی جان لے لی۔

مالیگاؤں مسلم اکثریتی شہر کہلاتا ہے، اس سے قبل اسی شہری میں متعدد خودکشیاں ہوچکی ہیں۔

رپورٹ کے مطابق شہر کے علاقے رمضان پورہ میں 23 سالہ فاطمہ جمیل احمد نامی خاتون نے پھانسی لگا کر خودکشی کرلی، لاک ڈاؤن کے باعث مذکورہ خاتون کا شوہر بھی بے روزگار ہوچکا تھا اور گھر کا خرچ چلانے کے لیے پیسے نہیں تھے۔

بھارت : نوجوان نے خود کشی کرنے کی ویڈیو سوشل میڈیا پر پوسٹ کردی

مذکورہ خاتون کو بچے کی بھوک اور فاقہ کشی نے ناقابل یقین اقدام اٹھانے پر مجبور کیا۔

خیال رہے کہ مالیگاؤں میں ایک ہفتہ کے دوران تین خودکشی کے واقعات پیش آچکے ہیں۔ جبکہ لاک ڈاؤن کے بعد سے اب تک اسی شہر میں 10 سے زائد افراد نے اپنی جانیں خود لے لی ہیں۔

Comments

یہ بھی پڑھیں