تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

دل دہلا دینے والا واقعہ: ڈھائی سالہ بچی 100 فٹ گہرے کنویں میں جاگری

بھارتی ریاست مدھیہ پردیش میں دلخراش واقعہ رونما ہوا ہے، جہاں ڈھائی سالہ بچی کنویں میں گر کر موت کی وادی میں چلی گئی۔

بھارتی میڈیا رپورٹ کے مطابق افسوسناک واقعہ مدھیہ پردیش کے سیہور ضلع کے گاؤں منگاولی میں پیش آیا، جہاں سریشٹی نامی ڈھائی سالہ بچی 100 فٹ گہرے کنویں میں جاگری۔

بچی کے کنویں میں گرنے کی رپورٹ گاؤں میں جنگل کی آگ کی طرح پھیل گئی اور مقامی انتظامیہ نے بچی کو ریسکیو کرنے کے لئے بھاری مشینری طلب کی اور امدادی کارروائیوں کا آغاز کیا تاہم سخت زمین ہونے کے باعث امدادی کاموں میں مشکلات رہیں۔

پولیس کے مطابق یہ بورو ویل 300 فٹ گہرا تھا، لڑکی پہلے بورویل میں تقریباً 50 فٹ نیچے پھنسی تھی اس دوران پائپ کے ذریعے اسے آکسیجن مہیا کی گئی بعد ازاں بورو ویل میں سرنگ بناکر بچی تک پہنچنے کی کوشش کی گئی مگر کھدائی کے دوران لڑکی بورویل سے مزید نیچے پھسل گئی اور تقریباً 100 فٹ کی گہرائی میں جا کر پھنس گئی۔

میڈیا رپورٹ کے مطابق امدادی ٹیموں کو کامیابی نہ ملنے پر دہلی اور راجستھان سے خصوصی ٹیمیں بلائی گئیں، بورویل میں گرنے والی لڑکی کو ہُک کی مدد سے نکالنے کی کوشش کی گئی لیکن کامیابی نہیں ملی۔ اس کے بعد ریسکیو آپریشن میں فوج کو بھی شامل کیا گیا ہے کچھ حاصل نہ ہوا تو بچی کو نکالنے کے لیے روبوٹک مشین کی مدد لی گئی۔

مقامی افراد کو کامیابی اس وقت ملی جب 55 گھنٹے بعد سریشٹی کو روبوٹک ہتھیاروں کے ذریعے نکالا لیکن اسے بچایا نہیں جا سکا۔ میڈیکل اور ریسکیو ٹیم بچی کو اسپتال لیکر گئے جہاں ڈاکٹروں نے اسے مردہ قرار دے دیا۔

Comments

- Advertisement -