The news is by your side.

Advertisement

پاک بھارت کشیدگی، اقوام متحدہ نے ثالثی کردار کی پیش کش کردی

اسلام آباد: وفاقی وزیر خارجہ شاہ محمود قریشی نے کہا ہے کہ بھارت کی دھمکیوں پر پاکستان نے اقوامِ متحدہ کو خط لکھا جس کا مثبت جواب آیا ، اقوام متحدہ نے دونوں ممالک کی کشیدگی ختم کرانے کے لیے ثالثی کے کردار کی پیش کش کردی۔

تفصیلات کے مطابق بھارت کی جنگی دھمکیوں اور معاشی بائیکاٹ کے خلاف وزیر خارجہ شاہ محمود قریشی نے اقوام متحدہ کو خدشات سے متعلق ایک تحریر کیا تھا جس کا مثبت جواب موصول ہوا۔ وفاقی وزیر خارجہ کا کہنا تھا کہ سفارتی سطح پر دیگر ممالک سے رابطے کررہے ہیں یقین ہے دنیا کو قائل کرلیں گے۔

دوسری جانب ملیحہ لودھی نے اقوام متحدہ کے سیکرٹری جنرل اور صدرسیکیورٹی کونسل سےملاقاتیں کیں اور بھارت کی دھمکیوں کے حوالے سے پاکستان کا موقف پیش کیا۔

مزید پڑھیں: ملیحہ لودھی کی سیکریٹری جنرل اقوام متحدہ اور صدر سیکیورٹی کونسل سے ملاقاتیں

اسی سے متعلق: وزیراعظم کے بیان کے بعد کشیدگی کا کوئی جواز نہیں رہا ، وزیرخارجہ شاہ محمود

پاکستان کی مستقل مندوب نے دورانِ ملاقات مقبوضہ کشمیر میں جاری بھارتی مظالم کا ذکر کرتے ہوئے اقوام متحدہ سے کردار ادا کرنے کی استدعا بھی کی۔  پاکستانی مندوب نے سیکریٹری جنرل اقوام متحدہ جنرل انتونیو گوتریس کے سامنے دو ٹوک الفاظ میں مؤقف پیش کیا کہ اگر ضرورت پڑی تو پاکستان اشتعال انگیزی کا بھرپور جواب دے گا۔

چینی وزارتِ خارجہ کے ترجمان نے  علاقائی اور خطے کے امن کے لیے دونوں ممالک کے درمیان ثالثی کا کردار ادا کرنے کی پیش کش کی اور اس خواہش کا اظہار کیا کہ پاکستان ، بھارت کے تعلقات مذاکرات کے ذریعے ہی مستحکم ہوں گے۔

مواصلہ اطلاعات کے مطابق اقوام متحدہ کے سیکریٹری جنرل نے پاک بھارت کشیدگی میں کمی کے لیے ثالثی کی پیش کش کردی۔

Comments

comments

یہ بھی پڑھیں