The news is by your side.

Advertisement

پاک بھارت خارجہ سیکریٹریز ملاقات جلد ہوگی، وکاس سوارپ

نئی دہلی : ترجمان بھارتی وزارت خارجہ کا کہنا ہے کہ پاک بھارت سیکریٹری خارجہ کی ملاقات جلد ہوگی، مذاکرات ری شیڈول ہوچکے ہیں، پٹھان کوٹ حملے پر پاکستان کے بیان کا خیر مقدم کرتے ہیں، پاکستان میں مسعود اظہر کی گرفتاری مثبت قدم ہے۔

ترجمان بھارتی وزارت خارجہ وکاس سوارپ نے پریس کانفرنس کرتے ہوئے کہا کہ پاک بھارت خارجہ سیکریٹریز ملاقات جلد ہوگی، پاک بھارت مذاکرات ری شیڈول ہوچکے ہیں، مذاکرات ری شیڈول کرنا یکطرفہ نہیں باہمی فیصلہ ہے ۔

وکاس سوارپ کا کہنا تھا کہ پٹھان کوٹ حملے پر پاکستان کے بیان کاخیرمقدم کرتے ہیں، پاکستان میں مسعوداظہرکی گرفتاری مثبت قدم ہے، مسعود اظہر کی گرفتاری کی باضابطہ اطلاع نہیں ملی۔

ترجمان بھارتی وزارت خارجہ نے کہا کہ پٹھان کوٹ حملے میں ملوث افراد کیخلاف پاکستان کو ثبوت دیے ہیں، پاکستانی حکومت نے کہا ہے کہ تحقیقاتی ٹیم بھیجناچاہتے ہیں، پاکستانی تحقیقاتی ٹیم کی آمد کے منتظر ہیں۔

Comments

comments

یہ بھی پڑھیں