The news is by your side.

Advertisement

عدالت سے رہائی کے باوجود پاکستانی شہری بھارتی جیل میں قید

کوچی : بھارت کی عدالت سے باعزت بری ہونے والا پاکستانی شہری عبدالقادرپاکستانی ہائی کمیشن کے عدم تعاون کے باعث آٹھ ماہ سے قید ہے۔

تفصیلات کے مطابق کیرالہ کی این آئی اے عدالت کی جانب سے بری کیا گیا ایک پاکستانی شہری بھارت میں اپنے ملک کے ہائی کمیشن کی طرف سے مد د کے فقدان کے باعث کئی ماہ سے کیرالہ جیل میں بند ہے۔

اس حوالے سے کانگریس کے ایک سینئر رکن اسمبلی پی ٹی تھامس نے  برطانوی نشریاتی ادارے بی بی سی کو بتایا کہ وہ  لوک سبھا  کے سابق ممبر پارلیمنٹ رہے ہیں۔

تھامس نے بتایا کہ مقامی ممبراسمبلی ہونے کے ناطے یہاں کے ککاناڈ ایرناکلم ضلع جیل میں جیل حکام اور قیدیوں کو دی جانے والی بنیادی سہولیات کا جائزہ لینے کے لیے کل میں نے وہاں کا دورہ کیا تھا اور اس دوران میں نے وہاں پاکستان شہری عبد القادر سے ملاقات کی۔

انہوں نے کہا کہ عبدالقادر (53) ایرانی جہاز ’بروکی‘کے ان 11 ارکان میں شامل تھا جسے گزشتہ سال جولائی میں کیرالہ کے ساحل پر روکا گیا تھا۔

بعد ازاں اسی سال مارچ میں این آئی اے کی عدالت نے بے قصور ثابت ہونے پر عبدالقادر سمیت 10ایرانی شہریوں کو جو اس جہاز میں سوار تھے انہیں باعزت بری کردیا اور جہاز کے عملے کے خلاف کوئی جرم نہیں پایا گیا، انہوں نے بتایا کہ عبدالقادر ان میں واحد پاکستانی شہری تھا۔

Print Friendly, PDF & Email

Comments

comments

یہ بھی پڑھیں