اترپردیش: بھارتی پولیس نے کانگریس جماعت کی جنرل سیکریٹری پریانکا گاندھی کو گرفتار کرلیا۔
بھارتی میڈیا رپورٹس کے مطابق پریانکا گاندھی اترپردیش کے ضلع سونبھادرہ میں فائرنگ سے ہلاک ہونے والے افراد کے اہل خانہ سے تعزیت کے لیے جارہی تھیں کہ راستے میں انہیں پولیس نے روک لیا۔
رپورٹ کے مطابق بدھ کے روز اترپردیش کے ضلع سونبھادرہ میں زمین کے تنازع پر دو گروپوں میں مسلح تصادم ہوا تھا جس کے نتیجے میں تین خواتین سمیت دس افراد ہلاک ہوئے۔
کانگریس کی جنرل سیکریٹری نے گزشتہ روز میڈیا سے گفتگو کرتے ہوئے حکومت کو شدید تنقید کا نشانہ بنایا تھا اور مطالبہ کیا تھا کہ اترپردیش کی حکومت قاتلوں کی پشت پناہی کرنے کے بجائے ان کے خلاف سخت کارروائی کرے۔
پریانکا نے اترپردیش اور ملک کے مختلف شہروں میں پیش آنے والے مذہبی واقعات اور امن و امان کی تیزی سے بگڑتی صورتحال کا ذمہ دار مودی حکومت کو ٹھہرایا تھا۔
The illegal arrest of Priyanka in Sonbhadra, UP, is disturbing. This arbitrary application of power, to prevent her from meeting families of the 10 Adivasi farmers brutally gunned down for refusing to vacate their own land, reveals the BJP Govt’s increasing insecurity in UP. pic.twitter.com/D1rty8KJVq
— Rahul Gandhi (@RahulGandhi) July 19, 2019
کانگریس کی جنرل سیکریٹری نے اپنی گرفتاری پر سوال اٹھاتے ہوئے کہا کہ حکومت نے انہیں متاثرہ خاندانوں سے تعزیت کرنے سے روکا جس کے واضح اشارے ہیں کہ قتل و غارت کے پیچھے اعلیٰ حکام ہے۔
کانگریس کے سابق سربراہ راہول گاندھی نے بہن کی گرفتاری کو بےی جے پی حکومت کا غیر قانونی اور تشویشناک اقدام قرار دیا۔
