The news is by your side.

Advertisement

بھارت: سینئر پولیس افسر کا انڈر ورلڈ سے تعلقات کا انکشاف

ممبئی: بھارت کے شہر ممبئی میں گرفتار ایک گینگسٹر نے تفتیش میں ممبئی پولیس کے سینئر آئی پی ایس افسر کے انڈر ورلڈ سے تعلقات کا انکشاف کر دیا۔

تفصیلات کے مطابق گزشتہ برس سے ممبئی جیل میں قید گینگسٹر اعجاز لکڑا والا نے اقبالی بیان میں کہا ہے کہ اُس وقت کے جوائنٹ سی پی لا اینڈ آرڈر دیوین بھارتی اور انڈر ورلڈ کے آپس میں مراسم تھے۔

یہ معاملہ چوں کہ ایک اعلیٰ افسر اور حکومت کے قریبی شخص سے جڑا ہے اس لیے تحقیقاتی رپورٹ کو حکومت کے حوالے کر دیا گیا ہے۔

ممبئی پولیس کے سینئر آئی پی ایس افسران کے سامنے اعجاز لکڑا والا نے اقبالی بیان میں کہا کہ سینئر آئی پی ایس افسر دیوین بھارتی کے جرائم کی دنیا سے وابستہ افراد سے گہرے مراسم ہیں۔

کمشنر کی جانب سے تحقیقاتی رپورٹ میں کہا گیا ہے کہ ممبئی میں اعجاز لکڑا والا نے وصولی کی جو وارداتیں کیں، ان میں دیوین بھارتی کا اہم کردار رہا تھا۔

میڈیا رپورٹس کے مطابق اثر و رسوخ کی وجہ سے دیوین بھارتی کے خلاف تفتیشی ایجنسیوں نے تاحال کوئی کارروائی نہیں کی، یہی وجہ ہے کہ ایک اور اعلیٰ افسر راجندر تریویدی نے جسے انڈر ورلڈ سے تعلقات کی وجہ سے سبکدوش کیا گیا تھا، اس حوالے سے تنقید کی ہے۔

Comments

یہ بھی پڑھیں