site
stats
پاکستان

پاکستان کو مسئلہ کشمیر پر اپنا نقطہ نظر تبدیل کرنا ہوگا ، راج ناتھ سنگھ

سرینگر : بھارت ہمیشہ سے پاکستان پر الزام تراشیاں کرتا چلا آرہا ہے، بھارتی وزیر داخلہ کا کہنا ہے کہ پاکستان کو مسئلہ کشمیر پر اپنے مؤقف کو تبدیل کرنا ہوگا جبکہ بھارتی حکومت نے کشمیری عوام اور بھارتی فورسز سے امن بحال کرنے کی اپیل کی ہے۔

مقبوضہ کشمیر میں جاری کشیدگی کو کم کرنے کیلئے وزیر داخلہ راج ناتھ سنگھ دو دن کے دورے پر سرینگر پہنچے، راج ناتھ سنگھ دورہ مقبوضہ کشمیر کشمیری قیادت کی حمایت حاصل کرنے میں ناکام رہے ہیں کیونکہ راج ناتھ سنگھ کو مقبوضہ کشمیر کی وزیراعلیٰ محبوبہ مفتی کی حمایت نہیں مل سکی۔

مزید پڑھیں :  کشمیری اپنے مستقبل کا فیصلہ خود کریں گے، بھارت نہیں، سرتاج عزیز

راج ناتھ سنگھ کا کہنا تھا کہ پاکستان کو کشمیرپر اپنی پالیسی اور سوچ کو بدلنا ہوگا ، پاکستان خود بھی دہشت گردی کا شکار ہے، اس کشمیر میں تشدد کو فروغ نہیں دینا چاہئے، وزیر اعظم نریندر مودی وادی کے حالات سے بہت پریشان ہیں، کشمیر کے حوالے سے پاکستانی حکومت کا کردار ٹھیک نہیں ،پڑوسی ملک خود دہشت گردی کا شکار ہے، اسے کشمیری نوجوانوں کو دہشت گردی پر اکسانا نہیں چاہئے، پاکستان کشمیری نوجوانوں کو ہتھیاراٹھانے پر اکسا رہا ہے ،ہمیں اسے روکنا ہے۔

مزید پڑھیں : مقبوضہ کشمیر: حریت رہنما سید علی گیلانی گرفتار

انکا مزید کہنا تھا کہ بھارتی حکومت نے کشمیر کے ساتھ صرف ضرورت کا نہیں، بلکہ جذباتی رشتہ بھی رکھنا چاہتی ہے، جموں و کشمیر کے حالات پر ہم کسی تیسرے فریق کی مداخلت نہیں چاہتے،ہم پھر دہراتے ہیں کہ اگر کسی کو کوئی شکایت ہے تو اسے بات چیت کے ذریعہ حل کیا جا سکتا ہے۔

واضح رہے کہ 8 جولائی کو مجاہد کمانڈر مظفر وانی کی شہادت کے بعد وادی میں بھارتی افواج کے خلاف شدید مظاہرے شروع ہوئے تھے، مظاہرین پر قابض فوج نے فائرنگ کردی تھی، جس کے بعد اب تک بھارتی فورسز کے ہاتھوں شہید افراد کی تعداد 56 ہوگئی ہے جبکہ 5 ہزار افراد زخمی ہیں جبکہ مسلسل سترہویں دن بھی کرفیو نافذ ہے، کرفیو کے باعث کھانے پینے کی اشیا اور دواؤں کی شدید قلت ہوگئی ہے۔ انٹرنیٹ، موبائل سروس بدستور بند ہیں جبکہ اخبارات پر بھی پابندی عائد ہے۔

مزید پڑھیں : مقبوضہ کشمیر: 17ویں دن بھی کرفیو نافذ، شہادتوں کی تعداد 56ہوگئی

بھارتی بربریت کے خلاف حریت کانفرنس نے آج مظاہروں کا اعلان کر رکھا تھا، جس کے دوران حریت رہنما سید علی گیلانی کو گرفتار کرلیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top