بھارت نے پاکستان کا بروقت سیلاب سے آگاہی کا مطالبہ مسترد کردیا
The news is by your side.

Advertisement

بھارت نے پاکستان کا بروقت سیلاب سے آگاہی کا مطالبہ مسترد کردیا

لاہور : بھارت کی ایک اور ہٹ دھرمی سامنے آگئی، بھارت نے پاکستان کی طرف سے بروقت سیلاب سے  آگاہی کا مطالبہ مسترد کردیا اور کہا کچھ بھی ہو  اکھنور کی بجائے سلال سے ہی اطلاع دی جائے گی۔

تفصیلات کے مطابق بھارت کی ہٹ دھرمی برقرار ہے ، بھارت نے پاکستان کی جانب سے بروقت سیلاب آگاہی کا مطالبہ مسترد کردیا اور کہا کہ اطلاع اکھنور سے ہی دی جائے گی۔

پاکستان نے مطالبہ کیا تھا کہ اکھنور کی بجائے سلال کے مقام سے سیلاب کی اطلاع دی جائے لیکن بھارت نے موقف اختیار کیا کہ اطلاع اکھنور سے ہی دی جائے گی۔

پاکستان کے میٹرولوجی حکام کا کہنا ہے کہ اکھنورکا علاقہ پاکستان کے انتہائی قریب ہے، اطلاع ملنے تک پانی پاکستان پہنچ جاتا ہے، بھارت اگر سلال کے مقام سے پانی کی رپورٹ دے تو سیلاب سے نمٹنے کے لئے وقت مل سکتا ہے۔

حکام نے مزید کہا کہ اکھنور سے پانی پاکستان پہنچنے میں چار گھنٹے لگتے ہیں، سلال سے پانی کو پاکستان پہنچے میں آٹھ گھنٹے سے نو گھنٹے درکار ہوتے ہیں، ور یوں ہمیں حفاظتی اقدامات کا موقع نہیں مل سکے گا ۔

یاد رہے بھارت کی آبی جارحیت کا سلسلہ جاری ہے، بھارت کی جانب سے پانی چھوڑنے کے بعد دریاؤں میں پانی کی سطح بلند ہونے سے سیلاب کا خدشہ ہے جبکہ دریاؤں کے ارد گرد موجود آبادیوں کو بھی خطرات لاحق ہوگئے ہیں۔

Comments

comments

یہ بھی پڑھیں