نئی دہلی: جنوبی بھارت میں ٹرک اور رکشے میں تصادم ایک ہی خاندان کے 10 افراد جاں بحق، مرنے والوں میں آٹھ بچے بھی شامل ہیں.
تفصیلات کے مطابق جنوبی بھارت میں ہونے والے حادثے میں 15 افراد ہلاک ہوگئے، جبکہ 10 افراد کا تعلق ایک ہی خاندان سے ہے. حادثے میں مرنے والے افراد مندر جارہے تھے.
پولیس کے ترجمان گرودیو کا کہنا تھا کہ مرنے والے 15 افراد میں آٹھ بچے بھی شامل تھے،رکشہ ضلع عادل آباد کے قریب ٹرک سے ٹکرایا جس کے نتیجے میں 15 افراد جاں بحق ہوگئے تھے.
پولیس کے مطابق سڑک کی حالت کافی خراب تھی، سڑک پر ترقیاتی کام چل رہاتھا جس کے باعث سڑک کی ایک جانب ٹریفک رواں دواں تھا.
عالمی ادارہ صحت کی جاری کردہ رپورٹ کے مطابق ہرسال بھارت میں دو لاکھ افراد سڑک حادثوں میں جان کی بازی ہار جاتے ہیں.
یاد رہے رواں ماہ ہمالیہ میں بس حادثے میں 14 افراد جاں بحق ہوگئے تھے.
Comments
- Advertisement -