The news is by your side.

Advertisement

بھارت: اسکول بس گہری کھائی میں جاگری،27بچوں سمیت 30ہلاک

شملہ : بھارت میں اسکول وین گہری کھائی میں گرنے سے27کمسن طلباء ہلاک ہوگئے، دو اساتذہ اور بس ڈرائیور بھی زندگی کی بازی ہار گئے۔

تفصیلات کے مطابق بھارتی ریاست ہماچل پردیش میں انتہائی افسوسناک واقعہ پیش آیا ہے جہاں ایک اسکول کے بچوں کو واپس لانے والی بس ریاستی دارالحکومت شملہ سے 325 کلو میٹر دور نور پور میں بے قابو ہوکر 200فٹ گہری کھائی میں جاگری۔

برطانوی نشریاتی ادارے بی بی سی کے مطابق بس میں مجموعی طور پر چالیس بچے سوار تھے، حادثے میں تیس افراد جان سے ہاتھ دھو بیٹھے، جن میں دس سال کی عمر تک کے27بچے اس کے علاوہ مرنے والوں میں دو اساتذہ اور بس ڈرائیور بھی شامل ہیں۔

پولیس کے مطابق شمالی ریاست ہماچل پردیش میں یہ حادثہ پیر کی شام کو پیش آیا، بس میں سوار زیادہ تر بچوں کی عمریں دس برس سے کم تھیں۔

مزید پڑھیں: بھارتی ریاست راجستھان میں اسکول بس دریا میں جا گری

عینی شاہدین کا کہنا ہے کہ موڑ کاٹتے ہوئے بس پھسل گئی اور پہاڑی راستے پر بنی سڑک سے نیچے اتر گئی۔ امدادی ادارے کے اہلکار بس میں پھنسے افراد کو نکالنے کی کوشش کر رہے ہیں، متعلقہ حکام نے حادثے کی تحقیقات کا حکم دے دیا ہے۔

مزید پڑھیں: تنزانیہ، اسکول بس حادثہ، 32 بچوں سمیت 36 افراد ہلاک


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں