The news is by your side.

Advertisement

کرونا وائرس، بھارت اور جنوبی افریقہ کے درمیان بقیہ ون ڈے میچز منسوخ

نئی دہلی: کرونا وائرس کے باعث بھارت اور جنوبی افریقہ کے درمیان بقیہ ون ڈے میچز منسوخ کردئیے گئے۔

تفصیلات کے مطابق بھارتی کرکٹ بورڈ نے کرونا وائرس کے پیش نظر بھارت اور جنوبی افریقہ کے درمیان 2 ون ڈے میچز منسوخ کردئیے، دونوں میچ لکھنؤ اور کولکتہ میں کھیلے جانے تھے۔

دونوں ٹیموں کے درمیان تین میچز کی سیریز کا پہلا میچ بارش کی نذر ہوگیا تھا، دونوں ٹیمیں دوسرا ون ڈے میچ کھیلنے کے لیے لکھنؤ پہنچی تھیں۔

بی سی سی آئی حکام کا کہنا ہے کہ جنوبی افریقہ کی ٹیم جلد از جلد بھارت سے جنوبی افریقہ کے لیے روانہ ہوجائے گی۔

واضح رہے کہ اس سے قبل بی سی سی آئی نے کرونا وائرس کے بڑھتے ہوئے کیسز کی وجہ سے پہلے آئی پی ایل کے نئی دہلی میں شیڈول میچز منسوخ کرنے کا اعلان کیا تھا تاہم اب بورڈ کی جانب سے پوری لیگ کو ہی منسوخ کردیا گیا ہے۔

مزید پڑھیں: کرونا وائرس، بنگلہ دیش کرکٹ ٹیم کا دورہ پاکستان منسوخ

یاد رہے کہ انگلش کرکٹ بورڈ نے کرونا وائرس کے باعث سری لنکا میں ہونے والی ٹیسٹ سیریز بھی منسوخ کردی ہے، دونوں ٹیموں کے درمیان دو ٹیسٹ میچز کی سیریز گالے میں 19 مارچ سے شروع ہونا تھی۔

بنگلہ دیش کرکٹ بورڈ نے بھی کرونا وائرس کے پیش نظر ٹیم کو پاکستان نہ بھیجنے کا فیصلہ کیا ہے جس کے سبب تیسرے مرحلے کے تمام میچز منسوخ ہوگئے ہیں۔

fb-share-icon0
Tweet 20

Comments

comments

یہ بھی پڑھیں