بھارت کی آبی دہشتگردی،دریائے چناب کا پانی روک لیا -
The news is by your side.

Advertisement

بھارت کی آبی دہشتگردی،دریائے چناب کا پانی روک لیا

اسلام آباد : پاکستان کی امن کی کوششوں کے جواب میں بھارت کی ہٹ دھرمی اور اشتعال انگیزی برقرارہے، اب بھارت نے آبی دہشت گردی بھی شروع کردی، دریائے چناب کا پانی روک لیا۔

لائن آف کنٹرول پراشتعال انگیزی کے ساتھ ساتھ بھارت اب آبی دہشتگردی پربھی اترآیا، اپنی جانب سے دریائے چناب کا پانی روک لیا، پانی رکنے کے باعث ہیڈمرالہ کے مقام پر پانی کی آمد خطرناک حد تک کم ہوگئی۔

ہیڈمرالہ پر پانی کی آمد صرف پانچ ہزار کیوسک رہ جانے سے دریائے چناب میں پانی کا اخراج صفر ہوگیا۔

ہیڈ مرالہ پر دریائے چناب میں پانی کا اخراج نہ ہونے سے پنچاب کے مختلف اضلاع میں گندم کی فصل کی بوائی تباہ ہونے کا خدشہ ہے جبکہ پانی کی کمی کی وجہ سے لاہور،گوجرانوالہ،گجرات،فیصل آباد،چنیوٹ،جھنگ،ٹوبہ ٹیک سنگھ اورننکانہ صاحب کے اضلاع میں فصلیں متاثرہوسکتی ہیں۔


مزید پڑھیں : بھارتی فوج کی اسکول وین پر بلا اشتعال فائرنگ، ڈرائیور شہید، 4 بچے زخمی


دوسری جانب لائن آف کنٹرول پر بھارت کی جانب سے سیز فائر کی ایک بار پھر خلاف ورزی کی گئی، بھارتی فوج نے اسکول وین کو نشانہ بنایا، جس میں وین ڈرائیور شہید جبکہ 4 بچے زخمی ہوگئے۔

آئی ایس پی آر کے مطابق پاک فوج کی جانب سے بھارت کو بھرپور جواب دیا گیا۔ پاک فوج نے مؤثر انداز میں بھارتی چوکیوں کو نشانہ بنایا جس کے بعد بھارتی توپیں خاموش ہوگئیں

Comments

comments

یہ بھی پڑھیں