نئی دہلی : بھارت نے جھوٹ کی انتہاء کردی، مودی سرکار نے پاکستانی جنگی طیارے پر بھارتی پرچم لہرا دیا تفصیلات کے مطابق بھارت نے یوم آزادی کے موقع پر پاکستانی طیارے جے ایف تھنڈر کے ساتھ اپنے پرچم کی پروموشنل ویڈیو جاری کر دی۔
India puts its flag on Pakistani jet by arynews
بھارت کی جانب سے یہ ویڈیو اپنے 70 ویں یوم آزادی کی تقریبات کیلئے جاری کی گئی تھی، اس کو بھارتی وزارت ثقافت کی غلطی کہا جائے یا پاک فضائیہ کا خوف، بھارت سرکار نے جشن آزادی کی ایک منٹ چالیس سیکنڈ کی ویڈیو میں پاک چین کے تعاون سے تیارکردہ جے ایف سیونٹین تھنڈر طیارے کی تصویر پر بھارتی ترنگا لہرا دیا۔
وڈیو میں جنگی طیاروں کو ہندوستانی پرچم کے ساتھ فلائی پاسٹ کرتا دکھایا گیا، سماجی رابطے کی ویب سائٹ پر اس بات کی نشاندہی اور شدید تنقید کے بعد بھارتی وزارت ثقافت نے وڈیو ہٹادی۔
سوشل میڈیا پر عوام نے نشاندہی کی تھی کہ ترنگا تو بھارتی ہے لیکن جنگی طیارہ پاکستانی ہے۔ مذکورہ ویڈیو ٹویٹر پر پوسٹ کی گئی تھی جسے بعد میں فوری طور پر ڈیلیٹ کر دیا گیا۔
