The news is by your side.

Advertisement

تعمیرات کیلئے کھدائی کے دوران بھاری مالیت کا خزانہ برآمد

بھارت میں عمارت کی تعمیر کیلئے کی جانے والی کھدائی کے دوران مزدوروں کے ہاتھ خزانہ لگ گیا، اطلاع ملنے پر وہ خزانہ حکومتی تحویل میں لے لیا گیا۔

بھارتی ریاست تلنگانہ کے ضلع جنگاؤں پیمبرتی کے رہائشی نرسمہا نے ایک ماہ قبل رئیل اسٹیٹ کے منصوبے سے 11ایکڑ اراضی خریدی تھی۔

خریدار نے عمارت کی تعمیر کی غرض سے اس ناہموار زمین پر صفائی اور کھدائی کا کام شروع کروایا، اس سلسلے میں جدید مشینوں کا استعمال کیا گیا تھا۔

زمین پر صفائی کا کام جاری تھا کہ اسی دوران مزدوروں کو وہاں موجود 5 کلو خزانہ ایک گھڑے کی شکل میں نظر آیا، جس کو توڑ کر دیکھنے پر کام کرنے والے مزدور حیرت زدہ رہ گئے۔

اس خرانے میں تقریباً 18 پونڈ سونے کے طلائی زیورات سکے اور 2 کلو چاندی کے زیوارت اور دیگر قیمتی اشیاء بھی شامل ہیں۔

اس اطلاع کے ساتھ مقامی عوام کی بڑی تعداد جمع ہوگئی اور اطلاع موصول ہوتے ہی پولیس اور محکمہ مال کے عہدیدار مقام پر پہنچ گئے اور پولیس کی موجودگی میں محکمہ مال کے عہدیداروں نے برآمد خرانے کو اپنے قبصہ میں لیا۔

Comments

یہ بھی پڑھیں