بھارت (10 مئی 2026): بھارتی فلم انڈسٹری کے سابق اداکار وجے تھلاپتی نے تمل ناڈو کے وزیراعلیٰ کا حلف اٹھاتے ہی 200 یونٹ بجلی مفت کر دی۔
ادکاری چھوڑ کر سیاست میں آنے والے سیاسی جماعت ٹی کے سربراہ سی جوزف وجے تھلاپتی نے اقتدار میں آتے ہی الیکشن میں کیے جانے والے وعدوں کو پورا کرنا شروع کر دیا۔
بھارتی میڈیا کے مطابق وجے تھلاپتی نے آج تمل ناڈو کے وزیراعلیٰ کا حلف اٹھانے کے فوری بعد گھریلو صارفین کے لیے 200 یونٹ تک مفت بجلی منصوبے کا آغاز کرتے ہوئے اپنے پہلے سرکاری حکم نامے پر دستخط کر دیے۔
مفت بجلی کی اس اسکیم سے ماہانہ 500 یونٹ تک استعمال کرنے والے گھریلو بجلی صارفین مستفید ہو سکیں گے۔
وجے تھلاپتی نے ریاست بھر میں خواتین کی حفاظت کے لیے ایک اسپیشل فورس بنانے اور پوری ریاست میں انٹی ڈرگ ٹریفکنگ یونٹس کے قیام کے لیے بھی کاغذات پر دستخط کیے۔
اس سے قبل جواہر لعل نہرو اسٹیڈیم میں وزارت اعلیٰ کا عہدہ سنبھالنے کے بعد اپنی پہلی تقریر میں کہا کہ ریاست میں ان کے علاوہ کوئی طاقت کا مرکز نہیں ہوگا۔ آج سے "حقیقی سیکولرازم اور سماجی انصاف” کے لیے پرعزم حکومت کا ایک نیا دور اب شروع ہو گیا ہے۔
انہوں نے حکومت سازی کے لیے حمایت دینے پر کانگریس، وی سی کے، آئی یو ایم ایل، اور بائیں بازو کی جماعتوں کا شکریہ ادا کرنے کے ساتھ خاص طور پر بچوں کا شکریہ ادا کرتے ہوئے کہا کہ ٹی وی کے ان کی وجہ سے جیتی کیونکہ انہوں نے اپنے گھر والوں کو ان کی پارٹی کو ووٹ دینے کے لیے منایا۔
ویڈیو: اداکار وجے نے ریاست تمل ناڈو کے وزیراعلیٰ کا حلف اٹھا لیا
اے آر وائی نیوز کی ڈیجیٹل ڈیسک کی جانب سے شائع کی گئی خبریں