بھارت اور آسٹریلیا کے درمیان کھیلا جانے والا پانچواں ٹی 20 میچ بارش کی نذر ہوگیا جس کے بعد مہمان ٹیم نے سیریز 2-1 سے اپنے نام کرلی۔
برسبین میں کھیلے گئے کپتان مچل مارش نے ٹاس جیت کر بھارت کو بیٹنگ کی دعوت دی تھی، میچ میں بھارت نے 4.5 اوورز میں 52 رنز بنائے تھے کہ بارش شروع ہوگئی جس کے بعد میچ بغیر نتیجے کے ختم ہوگیا۔
ابھیشیک شرما 13 گیندوں پر 23 اور شبھمن گل 16 گیندوں پر 29 رنز بنا کر ناٹ آؤٹ رہے۔
بھارت نے پانچ میچوں کی ٹی 20 سیریز 2-1 سے اپنے نام کرلی، دونوں ٹیموں کے مابین پہلا ٹی 20 میچ بھی بارش کی وجہ سے بغیر کسی نتیجے کے ختم ہوگیا تھا۔
ابھیشیک شرما کو 163 رنز بنا کر سیریز کا بہترین کھلاڑی قرار دیا گیا۔
