The news is by your side.

Advertisement

کرکٹ ورلڈکپ 2019: بھارت اور ویسٹ انڈیزآج مدمقابل ہوں گے

مانچسٹر: آئی سی سی ورلڈکپ 2019 میں مقابلوں کا سلسلہ جاری ہے، آج بھارت اور ویسٹ انڈیز کے درمیان ٹاکرا ہوگا۔

تفصیلات کے مطابق آئی سی سی ورلڈکپ کے 34ویں میچ میں آج بھارت اور ویسٹ انڈیز کی ٹیمیں آمنے سامنے ہوں گی، میچ پاکستانی وقت کے مطابق دوپہرڈھائی بجے شروع ہوگا۔

بھارت کی ٹیم میگا ایونٹ میں اب تک نا قابل شکست ہے، ایونٹ میں بھارتی ٹیم اب تک پانچ میچز کھیل چکی ہے، ٹیم چار میچز جیت کر پوائنٹس ٹیبل پر9 پوائنٹس کے ساتھ تیسرے نمبر پر ہے۔ بھارت کا ایک میچ بارش کی نذر ہوگیا تھا۔

دوسری جانب ویسٹ انڈیر میگا ایونٹ میں اب تک چھ میچز کھیل چکی ہے جس میں سے 4 میچز میں شکست کا سامنا کرنا پڑا، پوائنٹ اسکورننگ ٹیبل پر ویسٹ انڈیز کی ٹیم آٹھویں نمبر پر موجود ہے۔

واضح رہے کہ آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

ایونٹ میں دفاعی چیمپیئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔

Comments

comments

یہ بھی پڑھیں