اسلام آباد: صدر مملکت ڈاکٹر عارف علوی کا کہنا ہے کہ چین سے دوستی پاکستان کی خارجہ پالیسی کا اہم ستون ہے، پاک چین اقتصادی راہدری کو بھارت سپوتاژ کرنا چاہتا ہے۔
تفصیلات کے مطابق صدر ڈاکٹرعارف علوی سے چینی وزیردفاع وئی فینگ ہی نے ملاقات کی، اس موقع پر دونوں ممالک کے باہمی مفاد کے لیے دوستی کو مزید مستحکم کرنے کے عزم کا اعادہ کیا گیا، صدر مملکت نے چین کی معاشی ترقی اور کروناوائرس کے خلاف اقدامات کی تعریف کی۔
President Dr. Arif Alvi welcoming Minister of National Defense of China, General Wei Fenghe, at Aiwan-e-Sadr. pic.twitter.com/ZX5mpPy8vj
— The President of Pakistan (@PresOfPakistan) December 1, 2020
عارف علوی نے مسئلہ کشمیر کے حوالے سے سلامتی کونسل اجلاس بلانے پر چینی حمایت کو سراہا۔ ملاقات کے موقع پر چینی وزیردفاع وئی فینگ ہی کا کہنا تھا کہ چین پاکستان کے ساتھ ترقی کے فوائد بانٹنا چاہتا ہے۔
وزیراعظم سے چینی وزیردفاع کی ملاقات، اہم امور پر تبادلہ خیال
دریں اثنا صدر مملکت نے کہا دفاعی تعاون کو مزیدوسعت دینے کی ضرورت ہے، چین سے دوستی پاکستان کی خارجہ پالیسی کا اہم ستون ہے، پاکستان سیکیورٹی چیلنجز کے مقابلے کے لیے چین سے مزید مستحکم تعلقات چاہتا ہے۔
صدر کا یہ بھی کہنا تھا کہ بھارتی بالادستی کے عزائم سے علاقائی امن کوخطرہ لاحق ہے، بھارت بلوچستان میں دہشت گردی کی سرگرمیوں ملوث ہے، بھارت چین پاکستان اقتصادی راہداری کو سبوتاژ کرنا چاہتا ہے۔