site
stats
عالمی خبریں

بھارت کی پہلی خاتون ٹیکسی ڈرائیور پراسرار طور پر ہلاک

بنگلورو: بھارت کی پہلی خاتون ٹیکسی ڈرائیور اپنے گھر میں پراسرار طور پر مردہ پائی گئی۔

ویرتھ بھارتی کے مالک مکان نے ان کی لاش کو دریافت کیا۔ ان کے مطابق بھارتی کی ٹیکسی کئی دن سے کھڑی تھی مگر بھارتی انہیں کہیں نظر نہیں آئی۔ جب انہوں نے اس کے گھر کی کھڑکی سے جھانکا تو انہیں بھارتی چھت سے لٹکتی ہوئی دکھائی دی۔

مالک مکان شنکر سنگھ نے فوری طور پر پولیس کو اطلاع دی۔ پولیس نے موقع پر پہنچ کر بھارتی کو مردہ قرار دے کر اس کی لاش کو تحویل میں لے لیا۔

چھوٹے سے قصبہ کی رہائشی جو چاند کو چھونے جارہی ہے *

پولیس کے مطابق بھارتی کے گھر کا دروازہ کھلا ہوا تھا، جبکہ گھر میں کوئی ایسا کاغذ نہیں ملا جسے خودکشی سے پہلے لکھا جانے والا نوٹ قرار دیا جاسکے۔ پولیس نے خودکشی کا کیس درج کرلیا تاہم دیگر مشکوک صورتحال کے حوالے سے بھی تحقیقات کی جارہی ہیں۔

ویرتھ بھارتی، بھارت کی پہلی خاتون ٹیکسی ڈرائیور تھیں جو بھارتی کیب کمپنی ’ابر‘ میں ملازمت کر رہی تھیں۔ وہ آندھرا پردیش کے ایک گاؤں سے آئی تھیں اور یہاں کرائے کے مکان میں اکیلی رہ رہی تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top