ممبئی: بھارت کی مقامی فلم انڈسٹری سے تعلق رکھنے والے اداکار جان لیوا دورے سے زندگی کی بازی ہار گئے۔
بھارتی میڈیا رپورٹ کے مطابق بھارت کی مقامی ساؤتھ انڈین فلم انڈسٹری سے تعلق رکھنے والے معروف اداکار جمعے کے روز ہارٹ اٹیک سے زندگی کی بازی ہار گیے۔
رپورٹ کے مطابق اداکار پونیت راج کمار کی عمر چھیالیس برس تھی، کناڈا انڈسٹری میں انہیں معروف ترین اداکار کے طور پر پہچان حاصل تھی۔
اداکار کے اچانک انتقال پر فلم انڈسٹری میں سوگ کا سماں ہے۔ پونیت کے بھائی شیوا راجکمار اور کناڈا فلم انڈسٹری کے ہیرو نے بھائی کے انتقال کی تصدیق کرتے ہوئے بتایا کہ وہ گھر میں تھے کہ اس دوران دل میں تکلیف ہوئی، جس پر اسپتال لے کر پہنچے تو طبیعت بگڑ گئی اور وہ دوران علاج چل بسے۔
Heartbroken 💔
Will always miss you my brother. #PuneethRajkumar— sonu sood (@SonuSood) October 29, 2021
بالی ووڈ اداکار سونو سود نے پونیت راج کمار کے انتقال پر افسوس کا اظہار کرتے ہوئے بتایا کہ وہ اب ہم میں نہیں رہے۔ انہوں نے کہا کہ پونیت کے جانے سے پیدا ہونے والا خلا پورا کرنا ناممکن ہوگا۔
سونو سود کا کہنا تھا کہ ’پونیت کے انتقال کی خبر سُن کر میرا دل ٹوٹ گیا، میں اپنے بھائی کی کمی زندگی بھر محسوس کروں گا‘۔
