The news is by your side.

Advertisement

مشہور بھارتی اداکار نے فلمی دنیا کو خیرباد کہہ دیا

معروف بھارتی اداکار نے فلم انڈسٹری چھوڑنے کا اعلان کردیا، اداکار عدنان ساجد خان حیدرآباد کی فلمی دنیا میں اپنی صلاحیتوں کے جوہر دکھاتے رہے ہیں۔

غیر ملکی میڈیا کے مطابق بھارت کی حیدرآبادی فلم انڈسٹری کے مشہور اداکار عدنان ساجد خان عرف گلو دادا نے آج اعلان کیا ہے کہ وہ فلم انڈسٹری کو خیرآباد کہے دیں گے۔

انہوں نےسوشل میڈیا پر شیئر کی گئی پوسٹ کے ذریعے اداکاری چھوڑنے کا اعلان کیا، گلو دادا نے کہا کہ 16 نومبر 2007 کو ان کی پہلی فلم ایف ایم ریلیز ہوئی تھی اور اپنی پہلی فلم کی ریلیز کے دن ہی اداکار کی دنیا کو خیرآباد کہنے کا اعلان کررہا ہوں۔

عدنان ساجد خان نے اپنی فیس بک پوسٹ میں بتایا کہ انہوں نے گلو دادا کے نام سے ایک بریانی ریسٹورنٹ کھولا ہے اور ان کا کاروبار بھی بہت اچھا چل رہا ہے، اب وہ اس کاروبار کو دیگر حصّوں میں بھی پھیلانا چاہتے ہیں۔

گلودادا نے سوشل میڈیا کے ذریعے اپنے مداحوں کو تفریح و مزاح فراہم کرنے کی بھی یقین دہانی کرائی۔

اداکار نے کئی فلموں میں بہترین اداکاری اور کامیڈی کرداروں کی مدد سے شائقین کے دلوں میں بلند مقام حاصل کیا۔

Comments

یہ بھی پڑھیں