The news is by your side.

Advertisement

ایک اور بھارتی اداکارہ نے خود کشی کرلی، گھر سے پھندا لگی نعش برآمد

حیدرآباد : بھارتی فنکاروں میں خود کشی کا رجحان بڑھنے لگا ہے، تیلگو ٹی وی کی مشہور اداکارہ کونڈا پلّی شراونی نے بھی خود کشی کرلی، اہل خانہ نے لڑکی کے دوست کو اس کی موت کا ذمہ دار قرار دے دیا۔

بھارتی میڈیا کے مطابق26سالہ کونڈا پلّی شراونی نے حیدرآباد میں واقع اپنے گھر میں پھانسی لگا کر خودکشی کی۔ اس حوالے سے بھارتی میڈیا کا کہنا ہے کہ 26 سالہ کونڈا پلّی منگل کے روز مدھر نگر واقع اپنے گھر میں پھانسی سے لٹکی پائی گئیں۔پولیس نے مقدمہ درج کرکے تحقیقات کا آغاز کردیا۔

ان کے اہل خانہ کا کہنا ہے کہ وہ اپنے بیڈ روم میں گئیں اور دروازہ بند کر لیا، ہمیں لگا کہ وہ غسل کر رہی ہیں لیکن جب وہ کافی دیر تک باہر نہیں آئیں تو دروازہ توڑا اور دیکھا کہ وہ چھت سے لٹکی ہوئی ہیں۔ کونڈاپلّی کو فوراً اسپتال لے جایا گیا جہاں ڈاکٹروں نے انھیں مردہ قرار دے دیا۔

پولیس کے مطابق اداکارہ کے گھر والوں کا کہنا ہے کہ شراونی نے اپنے پرانےدوست دیوراج ریڈی سے پریشان ہو کر یہ قدم اٹھایا ہے، اس کے اہل خانہ نے اس کے دوست کے خلاف کچھ دن پہلے رپورٹ درج کرائی تھی اور انہوں نے شراونی کو اس کے ساتھ گھومنے پھرنے کو بھی منع کیا تھا۔

ایم آر نگر کے انسپکٹر نرسمہا ریڈی نے کہا کہ ابتدائی تحقیقات سے پتہ چلا ہے کہ دیوراج کے ساتھ گھومنے سے متعلق منگل کی رات شراونی کی اپنی ماں اور بھائی کے ساتھ بحث بھی ہوئی تھی جس کے بعد وہ اپنے کمرے میں گئی اور خود کو پھانسی لگا لی۔

ایک مقامی نیوز ویب سائٹ کے مطابق اداکارہ کی جانب سے یہ انتہائی قدم بلیک میل کیے جانے کی وجہ سے اُٹھایا گیا ہے، میڈیا رپورٹس کے مطابق سراوانی کنداپلی اور اُن کے بوائے فرینڈ دیوراج ریڈی پہلے ٹک ٹاک پر اچھے دوست بنے۔

اُس کے بعد دونوں کے درمیان ڈیٹنگ کا سلسلہ ہوگیا، اس دوران دیوراج ریڈی نے سراوانی کی تصاویر لینا شروع کردیں اور پھر اُسے بلیک میل کر کے رقم بٹورنے لگا۔

Comments

یہ بھی پڑھیں