The news is by your side.

Advertisement

بھارتی ائیر فورس کا ٹرانسپورٹ طیارہ لا پتا ہو گیا: بھارتی میڈیا

نئی دہلی: بھارتی میڈیا کا کہنا ہے کہ انڈین ایئر فورس کا ایک ٹرانسپورٹ طیارہ لا پتا ہو گیا ہے جس میں 13 افراد سوار ہیں۔

تفصیلات کے مطابق بھارتی فضائیہ کا ایک ٹرانسپورٹ طیارہ IAF AN-32 دن ایک بجے کے بعد اچانک لا پتا ہو گیا ہے، طیارے میں عملے کے 8 ارکان سمیت 13 افراد سوار ہیں۔

بھارتی میڈیا کا کہنا ہے کہ طیارے نے آسام کے ایئر بیس سے اڑان بھری تھی، اڑان بھرنے کے کچھ دیر بعد طیارے کا رابطہ منقطع ہوا۔

بتایا گیا ہے کہ ٹرانسپورٹ طیارہ بھارت کے شمال مشرقی پہاڑی علاقے میں لا پتا ہوا ہے، انڈین ایئر فورس نے طیارے کی تلاش کے لیے سرچ آپریشن شروع کر دیا ہے۔

یہ بھی پڑھیں:  بھارتی فضائیہ کا ایک اور مگ طیارہ تباہ، پائلٹ لاپتہ

انڈین ایئر فورس کا طیارہ اروناچل پردیش میں واقع وادیٔ مچوکا میں آرمی کے ایڈوانس لینڈنگ گراؤنڈ جا رہا تھا، جو چین کی سرحد کے قریب ہے۔

یاد رہے کہ 8 مارچ کو بھارتی فضائیہ کا ایک طیارہ مگ 21 راجھستان کے نل نامی ایئر بیس سے اڑنے کے بعد گر کر تباہ ہو گیا تھا، جس کے گرنے کی وجہ معلوم نہ ہو سکی۔

اس کے بعد 31 مارچ کو بھی لڑاکا طیارہ مگ 27 راجھستان کے علاقے جودھ پور میں گر کر تباہ ہوا، طیارے کا پائلٹ لا پتا ہو گیا تھا، وزارتِ دفاع کا کہنا تھا کہ طیارے سے پرندہ ٹکرایا تھا۔

Comments

comments

یہ بھی پڑھیں