سری نگر: بھارتی میڈیا نے دعویٰ کیا ہے کہمقبوضہ جموں و کشمیر کے دارالحکومت سری نگر سے 50 کلومیٹر دور علاقے بارہ مولا میں مجاہدین نے بھارتی فوجی کیمپ پر حملہ کردیا۔
بھارتی میڈیا کے مطابق مقبوضہ کشمیر کے علاقے بارہ مولا میں مجاہدین نے حملہ چھیالیس راشٹریہ رائفلز کے بیس کیمپ پر کیا ہے، جس کے دوران بھارتی فورسز کے کیمپ پر دستی بم پھینکے گئے۔
بھارتی میڈیا کا کہنا ہے کہ فائرنگ کے تبادلے میں دو بھارتی فوج زخمی ہوئے ہیں، بھارتی میڈیا کے مطابق حملہ رات ساڑھے دس بجے کیا گیا، جس کے بعد سے فائرنگ کا تبادلہ جاری ہے۔
بھارتی میڈیا کا کہنا ہے کہ آرمی کے کیمپ پر حملہ کرنے والوں کی تعداد 3 سے 4 کے قریب ہے اور انہوں نے کیمپ پر 2 اطراف سے حملہ کیا ہے ۔
مقبوضہ کشمیر کے سابق وزیر اعلیٰ عمر عبداللہ نے بھی اپنے ٹوئٹ میں بتایا کہ بارہ مولا کے علاقے میں شدید فائرنگ کی اطلاعات ہیں ۔
تاہم بھارتی میڈیا کے حملے کے دعوے کی آزاد ذرائع سے تصدیق نہیں ہوسکی ہے۔
