راولپنڈی: بھارتی فوج کی جانب سے نکیال سیکٹر سمیت مختلف علاقوں پر بلااشتعال فائرنگ سے 1 شہری شہید دو بچوں سمیت 5 افراد زخمی ہوگئے، پاک فوج نے بھرپور جوابی کارروائی کرتے ہوئے دشمن کی توپیں خاموش کرادیں جبکہ د فترخارجہ نے واقعے کی مذمت کی ہے۔
آئی ایس پی آر سے جاری کردہ اعلامیے کے مطابق بھارتی فوجیوں نے لائن آف کنٹرول کی ایک بار پھر خلاف ورزی کرتے ہوئے بلااشتعال فائرنگ کی جس کے نیتجے میں پالانی کا عبدالرحمان نامی رہائشی شہید اور دو بچے سمیت 5 زخمی ہوگئے جواب میں پاک فوج نے بھرپور جوا ب دیا اور دشمن کی پوپیں خاموش کروائیں۔
بھارتی فائرنگ کے نیتجے میں زخمی ہونے والی حلیمہ نامی خاتون کو تشویشناک حالت میں کوٹلی اسپتال منتقل کر دیا گیاہے۔ دفتر خارجہ کے ترجمان نفیس زکریا نے بتایا کہ بچوں کی عمریں تین اور گیارہ سال ہیں،واقعے کی شدید مذمت کرتے ہیں۔
آئی ایس پی آر نے مزید کہا کہ بھارتی فوج کی جانب سے دو بار لائن آف کنٹرول کی خلاف ورزی کرتے ہوئے مختلف علاقوں میں فائرنگ کی جس کے بعد پاک فوج نے جواب دیا اور دشمن کی توپوں کو خاموش کروایا۔