اسلام آباد : ترجمان دفتر خارجہ نفیس زکریا نے کہا ہے کہ بھارتی فوج نے ایک بار پھر اپنی روائتی ہٹ دھرمی کا مظاہرہ کرتے ہوئے راولاکوٹ سیکٹر پر بلااشتعال فائرنگ کی ہے، جس کے نتیجے میں چار شہری زخمی ہوگئے۔
تفصیلات کے مطابق ترجمان دفتر خارجہ سے جاری ایک بیان میں نفیس زکریا نے کہا کہ بھارتی فوج کی فائرنگ سے ایک خاتون سمیت 4شہری زخمی ہوگئے، جنہیں طبی امداد کیلئے قریبی اسپتال منتقل کیا گیا۔
انہوں نے کہا کہ بھارتی فوج مسلسل بے گناہ شہریوں کو نشانہ بنارہی ہے، بلااشتعال فائرنگ کی پرزور مذمت کرتےہیں،بھارتی رویہ خطے کےامن کیلئے نقصان دہ ہے۔
ترجمان کا مزید کہنا ہے کہ یواین اور عالمی برادری بھارت کو کشیدہ صورتحال کاذمہ دارٹھہرائے، دفتر خارجہ کے ترجمان نفیس زکریا نے ٹویٹس کے ذریعے اقوام متحدہ اور عالمی برادری سے اپیل کی ہے کہ بھارت کا منہ بند کیا جائے، انہوں نے اقوام متحدہ اور عالمی طاقتوں کو زور دیا ہے کہ بھارت کی جوابدہی کی جائے۔