راولپنڈی : بھارتی فوج نے ایل او سی کی ایک بار پھر خلاف ورزی کرتے ہوئے ڈھنڈنیال اور رکھ چکری سمیت مختلف سیکٹرز پر بلااشتعال فائرنگ کی جس کے نیتجے میں دو سالہ بچہ شہید جبکہ خاتون سمیت 4 افراد زخمی ہوگئے۔
تفصیلات کے مطابق پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر کہا کہ بھارتی فوج نے ایک مرتبہ پھر سیزفائر معاہدے کی خلاف ورزی کی، بھارتی فورسز نے ڈھڈنیال، رکھ چکری اور چری کوٹ سیکٹرز پر بلا اشتعال فائرنگ کی اور جان بوجھ کر ایل او سی پر شہری آبادی کو نشانہ بنایا۔
LOC Update Last 24 hours: Indian Army troops in total disregard to ceasefire agreement & international conventions initiated unprovoked ceasefire violations along LOC deliberately targeting civilian population in Baroh, Dhudnial, Rakhchikri and Chirikot Sectors… (1/3)
— DG ISPR (@OfficialDGISPR) April 13, 2020
ڈی جی آئی ایس پی آر میجر جنرل بابر افتخار کا کہنا تھا کہ بھارتی گولہ باری سے ڈھنڈنیال سیکٹر میں دو سالہ بچہ شہید ہوئی جبکہ بروہ، چری کوٹ و دیگر علاقوں خاتون سمیت چار شہری زخمی ہوئے ہیں، جنہیں علاج کےلیے طبی مراکز منتقل کردیا گیا ہے۔
…while 4 citizens including a woman and 72 years old senior citizen in Baroh, Rakhchikri and Chirikot Sectors sustained serious injuries. Injured have been evacuated to nearby health facility for necessary medical care. (3/3)
— DG ISPR (@OfficialDGISPR) April 13, 2020
ترجمان پاک فوج کا کہنا تھا کہ پاک فوج کی جانب سے بھارتی اشتعال انگیزی کامنہ توڑجواب دیا گیا اور بھارتی چوکیوں کوموثراندارمیں نشانہ بنایا۔
…Pakistan Army troops effectively responded and targeted those Indian posts which initiated fire. Due to indiscriminate Indian fire of heavy weapons and mortars, a two years old minor Muhammad Haseeb in Dhudnial Sector, embraced shahadat… (2/3)
— DG ISPR (@OfficialDGISPR) April 13, 2020
خیال رہے کہ کچھ روز قبل پاک فوج نے ایل او سی پر ایک بھارتی ڈرون مار گرایا تھا، آئی ایس پی آر کا کہنا تھا کہ بھارتی کواڈ کاپٹر پاکستانی علاقے کی نگرانی کے لیے بھیجا گیا تھا، جسے پاک فوج نے مار گرا دیا ہے۔
ترجمان پاک فوج کے مطابق یہ بھارتی اقدام 2003 کے جنگ بندی معاہدے کی کھلی خلاف ورزی ہے۔
