نہتے کشمیریوں پربھارتی فورسزکا کیمیائی ہتھیاروں کا استعمال -
The news is by your side.

Advertisement

نہتے کشمیریوں پربھارتی فورسزکا کیمیائی ہتھیاروں کا استعمال

سری نگر : مقبوضہ کشمیر میں بھارت نے ریاستی دہشتگردی میں تمام حدیں پار کرلیں، نہتے کشمیریوں کے خلاف کیمیائی ہتھیاروں کا استعمال شروع کردیا۔

قابض بھارتی فورسزکی گولیوں کے سامنے سینہ سپر کشمیریوں کو نئے ظلم کا سامنا ہے، مقبوضہ کشمیر میں بھارتی فورسزنے کیمیائی ہتھیاروں کا استعمال شروع کردیا ہے۔

بھارتی فورسز کشمیری نوجوانوں اور کشمیریوں کے گھروں کو کیمیکل ہتھیاروں سے نشانہ بنا رہی ہے۔

کشمیرمیڈیا سروس کا کہنا ہے گزشتہ تین روز میں شہید کئے گئے چار نوجوانوں پر کیمیائی ہتھیاراستعمال کئے گئے، شہیدوں کے جنازوں میں ہزاروں افرادشریک ہوئے اور بھارت مخالف و آزادی کے حق میں نعرے لگائے۔

بھارتی فوج نے پیر کے روز ان چاروں گھروں کو ضلع پلوامہ میں کیمیکل سے تباہ کردیا تھا اور تین نوجوانوں کفایت احمد، اور جہانگیر خاندے اور فیصل احمد کی لاش بھی تباہ شدہ چار گھروں کے ملبے سے نکالی گئی جبکہ اسی علاقے میں قابض فوج نے گاڑی چڑھاکر ایک اور کشمیری کو شہید کردیا تھا۔

بھارتی فورسز کے ہاتھوں کشمیری شہدا کی تعداد چار ہوگئی ہے۔

دوسری جانب مقبوضہ کشمیرمیں قابض بھارتی فوج پلواما اور دیگر علاقوں میں سرچ آپریشن کے بہانے بھارتی فورسز چادر اور چار دیواری کا تقدس پامال کررہی ہیں اور متعدد بے گناہ کشمیری نوجوانوں کو گرفتار کرلیا گیا۔

حریت کانفرنس کے چیئرمین میرواعظ عمر فاروق نے کشمیریوں کے خلاف کیمیکل کے استعمال اور وادی میں کرفیو کے نفاذ کی مذمت کی ہے جبکہ بھارت کی کٹھ پتلی انتظامیہ نے حریت رہنما یاسین ملک کو گرفتار کرکے جیل منتقل کردیا۔

بھارتی فورسز کی پرتشدد کارروائیوں کیخلاف کشمیری سڑکوں پر نکل آئے، بھارتی فورسز نے مظاہرین پر فائرنگ اور آنسو گیس کی شیلنگ کی، مقبوضہ کشمیر میں بھارتی مظالم کے خلاف ہڑتال آج بھی جارہی ہے۔ وادی میں موبائل اور انٹرنیٹ سروس بھی معطل ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں