بھارت کی ریاست اروناچل پردیش میں بھارتی فوج کا ہیلی کاپٹر گر کر تباہ ہوگیا جس کے نتیجے میں ایک پائلٹ ہلاک اور دوسرا زخمی ہو گیا۔
بھارتی میڈیا کی رپورٹ کے مطابق بھارتی فوج کے چیتا ہیلی کاپٹر کو حادثہ بدھ کے روز پیش آیا جہاں اروناچل پردیش میں تاونگ کے نزدیک ہیلی کاپٹر گرکر تباہ ہوگیا جس کے نتیجے میں پائلٹ ہلاک ہوگیا۔
بھارتی میڈیا کی رپورٹ کے مطابق فوجی حکام کا کہنا ہےکہ ہیلی کاپٹر معمول کی پرواز پر تھا جس میں دو پائلٹ سوار تھے اور دونوں نے ہیلی کاپٹر سے چھلانگ لگائی جب کہ دونوں پائلٹ کو قریبی اسپتال منتقل کیا گیا ہے جہاں ایک پائلٹ کرنل سوارب یادیو زخموں کی تاب نہ لاتے ہوئے چل بسا۔
An Indian Army Cheetah helicopter crashed today near Tawang area in Arunachal Pradesh. One pilot has lost his life in the accident: Army Officials pic.twitter.com/5BErWZzRIH
— ANI (@ANI) October 5, 2022
بھارتی فوجی حکام کے مطابق ہیلی کاپٹر کو حادثے کی وجہ فوری طور پر سامنے نہیں آسکی ہے تاہم اس حوالے سے تحقیقات شروع کردی گئی ہیں۔
بھارتی فوج کی جانب سے جاری بیان میں بتایا گیا کہ آرمی ایوی ایشن کا چیتا ہیلی کاپٹر توانگ کے قریب فارورڈ ایریا میں5 اکتوبر کو معمول کی پرواز کے دوران گر کر تباہ ہوگیا۔
بیان میں بتایا گیا کہ دونوں پائلٹوں کو قریبی فوجی ہسپتال لے جایا گیا، لیفٹیننٹ کرنل سوربھ یادیو زخموں کی تاب نہ لاتے ہوئے چل بسا جبکہ معاون پائلٹ کا علاج جاری ہے۔