The news is by your side.

Advertisement

مقبوضہ وادی میں بھارتی فورسز کی بربریت، 4 نوجوان شہید

سری نگر: مقبوضہ کشمیر میں بھارتی فوج نے ایک بار پھر بربریت کا مظاہرہ کرتے ہوئے چار کشمیریوں کو شہید کردیا ہے۔

کشمیر میڈیا سروس کے مطابق مقبوضہ وادی میں قابض بھارتی فوج کی جارحیت جاری ہے، بزدل بھارتی فوج نے ضلع پلواما میں چار کشمیریوں کو شہید کردیا ہے۔

کشمیر میڈیا سروس کے مطابق نوجوانوں کو نام نہاد سرچ آپریشن کے دوران نشانہ بنایا گیا، قابض فوج نے نام نہاد سرچ آپریشن کے دوران چادر اور چار دیواری کے تقدس کا پامال کیا۔

سرچ آپریشن کی آڑ میں قابض فوج نے علاقے کی مکمل ناکہ بندی کررکھی ہے اور ہر قسم کی آمدورفت پر مکمل پابندی عائد کردی ہے۔

بھارتی فوج کی بربریت کے خلاف علاقے میں شدید احتجاجی مظاہروں کا سلسلہ شروع ہوگیا ہے، کٹھ پتلی انتظامیہ نے مظاہروں سے نمٹنے کے لیے سیکیورٹی فورسز کی بھاری نفری طلب کرلی ہے جب کہ موبائل اور انٹرنیٹ سروس کو بھی معطل کردیا ہے۔

Comments

یہ بھی پڑھیں