The news is by your side.

بھارتی چینلز چلانے والے کیبل آپریٹرز کیخلاف گھیرا تنگ

کراچی : پاکستان الیکٹرانک میڈیا اینڈ ریگولیٹری اتھارٹی (پیمرا) کی جانب سے سخت پابندی کے باوجود بھارت چینلز نشر کرنے والے کیبلز آپریٹرز کیخلاف گھیرا تنگ کردیا گیا۔

اس سلسلے میں پیمرا نے اعلامیہ جاری کیا ہے جس میں کہا گیا ہے کہ کراچی میں غیرقانونی بھارتی چینلز چلانے والے کیبل آپریٹرز کیخلاف کارروائی کی گئی ہے۔

اعلامیے کے مطابق یہ کارروائی چیئرمین پیمرا کی خصوصی ہدایت پر کیبل آپریٹرز کیخلاف کی گئی، انسپکشن کے دوران4کیبل آپریٹر بھارتی چینلز چلانے کے مرتکب پائے گئے۔

پیمرا اعلامیہ میں مزید کہا گیا ہے کہ قانون کی خلاف ورزی پر کیبل آپریٹرز کو اظہار وجوہ کے نوٹسزجاری کیے گئے ہیں، غیرقانونی بھارتی چینلز چلانے والے کیبل آپریٹرز کیخلاف قوانین کے تحت سزا کا تعین کیا جائے گا۔

Comments

یہ بھی پڑھیں